കൊല്ലം : നിയമസഭാ തെരഞ്ഞെടുപ്പ് ദിവസം കുണ്ടറയിൽ പെട്രോൾ ബോംബ് ആക്രമണം ആസൂത്രണം ചെയ്ത സംഭവത്തിൽ വസ്തുതാ വിവര റിപ്പോർട്ട് കൈമാറി അന്വേഷണ സംഘം. തിരുവനന്തപുരം റേഞ്ച് ഡിഐജി സഞ്ജയ്കുമാർ ഗുരുഡിനാണ് റിപ്പോർട്ട് കൈമാറിയത്. സംഭവത്തിൽ ഉടൻ കുറ്റപത്രം സമർപ്പിക്കും.
റിപ്പോർട്ട് ഡിഐജി പരിശോധിച്ച ശേഷം രണ്ടാഴ്ചയ്ക്കുള്ളിൽ കുറ്റപത്രം സമർപ്പിക്കാനാണ് നീക്കം. കൊല്ലം ജുഡീഷ്യൽ ഫസ്റ്റ്ക്ലാസ് മജിസ്ട്രേറ്റ് കോടതിയിലാകും കുറ്റപത്രം സമർപ്പിക്കുക.
കേസിൽ നാല് പ്രതികളാണ് ഉള്ളത്. തിരുവനന്തപുരം മലയിൻകീഴ് സ്വദേശികളായ വിനുകുമാർ (41), വിനുകുമാറിന്റെ ബന്ധു കൃഷ്ണകുമാർ (44), വിനുകുമാറിന്റെ സുഹൃത്ത് പാലക്കാട് സ്വദേശി ശ്രീകാന്ത് (35), ഇഎംസിസിഡയറക്ടറും കുണ്ടറ മണ്ഡലത്തിൽ ഡെമോക്രാറ്റിക് സോഷ്യൽ ജസ്റ്റിസ് പാർട്ടി (ഡിഎസ്ജെപി) സ്ഥാനാർഥിയുമായിരുന്ന ഷിജു എം വർഗീസ് എന്നിവരാണ് പ്രതികൾ.
Comments