കണ്ണൂർ: കണ്ണൂർ സെൻട്രൽ ജയിലിൽ പരിസരം കിളച്ചുള്ള പരിശോധന തുടരുന്നു. ഇന്നലെയും പരിശോധന നടത്തിയിരുന്നു. പരിശോധനയിൽ മാരക ആയുധങ്ങളും മൊബൈൽ ഫോണുകളും കണ്ടെടുത്തു. ജയിൽ ഡിജിപിയുടെ നിർദ്ദേശപ്രകാരം ജയിൽ പരിസരത്ത് നടത്തിയ പരിശോധനയിലാണ് കുഴിച്ചിട്ട നിലയിൽ ഇവ കണ്ടെത്തിയത്.
തടവുകാരെ പാർപ്പിച്ചിരുന്ന സെല്ലുകളിൽ പരിശോധന നടത്തിയെങ്കിലും ഒന്നും തന്നെ കണ്ടെത്താനായിരുന്നില്ല. തുടർന്ന് ജയിൽ വളപ്പ് കിളച്ച് പരിശോധന നടത്താൻ തീരുമാനിക്കുകയായിരുന്നു. ജില്ലാ ജയിലിലെയും, സ്പെഷ്യൽ സബ് ജയിലിലെയും സെൻട്രൽ ജയിലിലെയും ഉദ്യോഗസ്ഥർ സംയുക്തമായാണ് പരിശോധന നടത്തിയത്.
ഇന്ന് നടത്തിയ പരിശോധയിൽ കാലപ്പഴക്കം ചെന്ന ഉപകരണങ്ങളാണ് കൂടുതലും കണ്ടെത്തിയത്. വർഷങ്ങൾക്ക് മുൻപേ കുഴിച്ചട്ടതാകാമെന്ന നിഗമനത്തിലാണ് ഉദ്യോഗസ്ഥർ. പരിശോധനയിൽ സിംകാർഡ് ഇല്ലാത്ത രണ്ട് മൊബൈൽ ഫോൺ, കത്തി, മഴു, വ്യായാമത്തിന് ഉപയോഗിക്കുന്ന ഡമ്പൽ തുടങ്ങിയവയും കണ്ടെത്തിയിരുന്നു.
