മലപ്പുറം: കേന്ദ്രീയ വിദ്യാലയയിൽ ഉദ്ഘാടനത്തിന് തയ്യാറെടുക്കുന്ന അടൽ തിങ്കർ ലാബിന്റെ ചിത്രം പുറത്ത് വിട്ട് ബിജെപി സംസ്ഥാന വക്താവ് സന്ദീപ് ജി വാര്യർ. മലപ്പുറം കേന്ദ്രീയ വിദ്യാലയം സന്ദർശിച്ചശേഷമാണ് അദ്ദേഹം സമൂഹമാദ്ധ്യമത്തിലൂടെ ചിത്രങ്ങൾ പുറത്ത് വിട്ടത്. കുട്ടികളിൽ ശാസ്ത്ര സാങ്കേതിക വിഷയങ്ങളിൽ താൽപര്യമുണ്ടാക്കാനും ഗവേഷണ ത്വര വർദ്ധിപ്പിക്കാനും ലോകോത്തര നിലവാരമുള്ള സൗകര്യങ്ങളാണ് അടൽ തിങ്കർ ലാബുകളിൽ കേന്ദ്ര സർക്കാർ ഒരുക്കിയിരിക്കുന്നത്.
സയൻസ്, ടെക്നോളജി , എഞ്ചിനീയറിങ്, മാത്സ് എന്നീ വിഷയങ്ങൾ കൂടുതലായി മനസിലാക്കാനും ആധുനിക ഉപകരണങ്ങളും സാങ്കേതിക വിദ്യയും പരിചയപ്പെടാനും കുട്ടികൾക്ക് ഈ പദ്ധതി സഹായകമാണ്.
രാജ്യത്ത് 8700 സ്കൂളുകളിൽ കേന്ദ്ര സർക്കാർ അടൽ തിങ്കർ ലാബുകൾ സ്ഥാപിച്ചു കഴിഞ്ഞു. മുൻ പ്രധാനമന്ത്രി അടൽ ജിയുടെ ഓർമ്മക്കായാണ് പദ്ധതി നാമധേയം ചെയ്യപ്പെട്ടിട്ടുള്ളത്. കെട്ടിട സൗകര്യം നൽകുന്ന സർക്കാർ , എയിഡഡ് , അൺ എയിഡഡ് സ്കൂളുകളിൽ കേന്ദ്ര സർക്കാർ അടൽ തിങ്കർ ലാബ് സ്ഥാപിക്കും.
രാജ്യത്ത് നിലവിൽ 8700 സ്കൂളുകളിൽ അടൽ തിങ്കർ ലാബ് സ്ഥാപിച്ചു. 70 ലക്ഷം കുട്ടികൾ ഈ സൗകര്യങ്ങൾ ഉപയോഗിക്കുന്നു. ത്രീ ഡി പ്രിൻറിംഗ് അടക്കം നിരവധി സൗകര്യങ്ങൾ ഉദ്ഘാടനം ചെയ്യപ്പെടാനിരിക്കുന്ന മലപ്പുറം കേന്ദ്രീയ വിദ്യാലയയിലെ അടൽ തിങ്കർ ലാബിൽ ഉണ്ടെന്നും അദ്ദേഹം വ്യക്തമാക്കി.
Comments