കൊൽക്കത്ത: ഡ്യൂറന്റ് കപ്പിൽ എഫ്സി ബംഗളൂരുവും ആർമി റെഡും തമ്മിൽ വെളളിയാഴ്ച നടത്താനിരുന്ന ക്വാർട്ടർ മത്സരം ഉപേക്ഷിച്ചു. ആർമി റെഡിലെ ചില കളിക്കാർക്ക് കൊറോണ ബാധിച്ചതിനെ തുടർന്നാണ് മത്സരം റദ്ദാക്കിയത്.
ടുർണമെൻിൽ നിന്നുളള പിന്മാറ്റം ആർമി റെഡ് പ്രഖ്യാപിക്കുകയായിരുന്നു. ഇതോടെ ബംഗളൂരു സെമിഫൈനലിൽ പ്രവേശിച്ചു. കളിക്കാരുടെയും ഒഫീഷ്യലുകളുടെയും ആരോഗ്യവും സുരക്ഷയും മുൻനിർത്തിയാണ് തീരുമാനമെന്ന് അധികൃതർ വാർത്താക്കുറിപ്പിൽ വ്യക്തമാക്കി. ടൂർണമെന്റിന്റെ വിജയത്തിനും ഇത് അത്യാവശ്യമാണ്. 2025 വരെ ടൂർണമെന്റ് കൊൽക്കത്തയിൽ തന്നെയായിരിക്കുമെന്ന് സംഘാടകർ അറിയിച്ചു. ടൂർണമെന്റിന്റെ 130ാമത് എഡിഷനാണ് ഇപ്പോൾ നടക്കുന്നത്.
