തിരുവനന്തപുരം :പോത്തൻകോടിൽ നോക്കുകൂലി നൽകാത്തതിനെ ചൊല്ലി നിർമ്മാണത്തൊഴിലാളികൾക്ക് ചുമട്ടുതൊഴിലാളികളുടെ മർദ്ദനം.കരാറുകാരനായ മണികണ്ഠനടക്കം മൂന്ന് പേർക്കാണ് ക്രൂരമർദ്ദനമേറ്റത്.വ്യാഴാഴ്ച രാവിലെ ഒൻപതരയോടെയാണ് സംഭവം.സിഐടിയു,എഐടിയു,ഐഎൻടിയുസി തുടങ്ങിയ യൂണിയനുകളിൽപ്പെട്ട പതിനഞ്ചോളം പേരാണ് ആക്രമണം നടത്തിയത്.
ചെങ്ങന്നൂർ സ്വദേശിയുടെ വീടിന്റെ നിർമ്മാണ സാമഗ്രികൾ എത്തിച്ചപ്പോഴാണ് പതിനായിരം രൂപ നോക്കുകൂലി ആവശ്യപ്പെട്ട് ചുമട്ടുതൊഴിലാളികൾ എത്തിയത്.നോക്കൂകൂലി നൽകാൻ കരാറുകാരനായ മണികണ്ഠൻ വിസമ്മതിച്ചു. തുടർന്ന് നടന്ന വാക്കു തർക്കം ആക്രമണത്തിൽ കലാശിക്കുകയായിരുന്നു.
മർദ്ദനത്തിൽ പരിക്കേറ്റ 3 പേരെ ആശുപത്രിയിൽ പ്രവേശിപ്പിച്ചു. സംഭവത്തിൽ പോത്തൻകോട് പോലീസ് കേസെടുത്തു.സംഭവവുമായി ബന്ധപ്പെട്ട് രണ്ട് ചുമട്ടുതൊഴിലാളികളെ പോലീസ് അറസ്റ്റ് ചെയ്തു.
Comments