ബിജീംഗ്: തായ്വാന്റെ സ്വാതന്ത്ര്യമോഹം തകർക്കാൻ രാഷ്ട്രീയ കരുക്കവുമായി ചൈന. പ്രതിപക്ഷ പാർട്ടി കുവോമിൻതാംഗ് നേതാവ് എറിക് ചൂവിന് ഐക്യദാർഢ്യം പ്രഖ്യാപിച്ചുകൊണ്ടാണ് ഷീ ജിൻ പിംഗ് സൂചന നൽകിയത്. 1992 കാലഘട്ടത്തിൽ ചൈനീസ് ഭരണകൂടവുമായി സന്ധിയിലേർപ്പെട്ട പാർട്ടി എന്ന നിലയിലാണ് കുവോമിൻതാംഗ് നേതാക്കളെ ബീജിംഗ് പിന്തുണയ്ക്കുന്നത്.
നിലവിലെ ഭരണകക്ഷിയായ സായ് ഇംഗ് വെന്നിന്റെ ഡെമോക്രാറ്റിക് പ്രോഗ്രസ്സീവ് പാർട്ടി(ഡിപിപി)യുടെ ബീജിംഗ് വിരുദ്ധ നയമാണ് നിലവിലെ സംഘർഷാവസ്ഥയ്ക്ക് കാരണമെന്ന പ്രചാരണം പ്രതിപക്ഷം ആരംഭിച്ചു കഴിഞ്ഞു. ഇരുരാജ്യത്തെ ജനങ്ങളും സമാധാന ജീവിതവും പുരോഗതിയുമാണ് ആഗ്രഹിക്കുന്നത്. എന്നാൽ ഭരണകക്ഷിയായ ഡിപിപി ആഗ്രഹിക്കുന്ന സമ്പൂർണ്ണ സ്വാതന്ത്ര്യം നടക്കാത്ത സ്വപ്നമാണെന്നാണ് പ്രതിപക്ഷം ആരോപിക്കുന്നത്.
1992ൽ അന്നത്തെ ഭരണകക്ഷിയായിരുന്ന കുവോമിൻതാംഗ് നേതാക്കളും കമ്യൂണിസ്റ്റ് പാർട്ടി ഓഫ് ചൈനയും തമ്മിൽ “ഒരേ ഒരു ചൈന” നയം ഒപ്പുവെച്ചിരുന്നു. എന്നാൽ 2016ൽ ശക്തമായ ഭൂരിപക്ഷത്തോടെ ഭരണത്തിലെത്തിയ ഡിപിപി ചൈനയുടെ ഏകാധിപത്യ ശൈലികൾ ക്കെതിരെ വലിയ പ്രതിരോധമാണ് സൃഷ്ടിച്ചത്.
അതിർത്തിമേഖലയിലും വാണിജ്യരംഗത്തും ചൈനയുടെ പിടിച്ചെടുക്കൽ നയങ്ങളെ നേരിട്ട തായ് വാൻ കൊറോണ ഉദ്ഭവിച്ചത് ചൈനയിൽ നിന്നു തന്നെയെന്ന് വിളിച്ചു പറഞ്ഞതോ ടെയാണ് അകൽച്ച കൂടിയത്. തുടർന്ന് അമേരിക്കയുമായി പ്രതിരോധ വാണിജ്യ രംഗത്തു ണ്ടാക്കിയ പങ്കാളിത്തം തായ് വാനെ ചൈനയുടെ കടുത്ത ശത്രു എന്ന സാഹചര്യത്തി ലേക്കാണ് എത്തിച്ചിരിക്കുന്നത്. എന്നാൽ ജനങ്ങളുടെ ശക്തമായ പിന്തുണയാണ് ഡിപിപിയെ ഭരണത്തിലേറ്റിയത്.
Comments