ലാഹോർ: പാകിസ്താൻ ക്രിക്കറ്റ് ടീം മുൻ നായകൻ ഇൻസമാം ഉൾ ഹഖിന് നെഞ്ചുവേദനയെ തുടർന്ന് ആശുപത്രിയിൽ പ്രവേശിപ്പിച്ചു. അടിയന്തിരമായി ഇൻസമാമിനെ ആഞ്ചിയോ പ്ലാസ്റ്റിക്ക് വിധേയനാക്കിയെന്ന് പാകിസ്താൻ ക്രിക്കറ്റ് ബോർഡ് അറിയിച്ചു. ആരോഗ്യ നില തൃപ്തികരമെന്ന് ആശുപത്രി അധികൃതർ അറിയിച്ചു.
കഴിഞ്ഞ മൂന്ന് ദിവസമായി നെഞ്ചുവേദന അനുഭവപ്പെട്ടതിനെ തുടർന്നാണ് ആശുപത്രിയിൽ പ്രവേശിപ്പിച്ചത്. പ്രാഥമിക പരിശോധനയിൽ ഹൃദയത്തിലേക്കുള്ള രക്തക്കുഴലുകളിൽ തടസ്സം കണ്ടെത്തുകയായിരുന്നു. ഹൃദയശസ്ത്രക്രിയ നടത്തിയാണ് പ്രശ്‌നം പരിഹരി ച്ചിട്ടുള്ളത്.
51കാരനായ ഇൻസമാം പാകിസ്താന്റെ ഏറ്റവും മികച്ച ബാറ്റ്‌സ്മാൻമാരിലൊരാളായിരുന്നു. 1992ൽ പാകിസ്താന് ലോകകപ്പ് നേടിക്കൊടുത്ത മത്സരത്തിലെ നിർണ്ണായ സാന്നിദ്ധ്യ മായിരുന്നു. 375 ഏകദിനങ്ങളിലായി 11701 റൺസ് നേടിയിട്ടുണ്ട്. 119 ടെസ്റ്റുകളിലായി 8829 റൺസും നേടിയിട്ടുണ്ട്. മികച്ച നായകനെന്ന പേരും ഇൻസമാം നേടിയിരുന്നു. 2007ലാണ് അന്താരാഷ്‌ട്ര ക്രിക്കറ്റിൽ നിന്നും വിരമിച്ചത്.
