ന്യൂഡൽഹി: ഇന്ത്യയിൽ വാക്‌സിൻ വിതരണം 91 കോടി കവിഞ്ഞതായി കേന്ദ്ര ആരോഗ്യമന്ത്രാലയം. ഒടുവിൽ പുറത്തുവിട്ട കണക്കുകൾ പ്രകാരം 91 കോടി 47 ലക്ഷത്തിലധികം ഡോസുകൾ ഇതുവരെ രാജ്യത്ത് വിതരണം ചെയ്തു.
ഇന്ന് വൈകിട്ട് 10.30 വരെയുള്ള റിപ്പോർട്ടുകൾ അനുസരിച്ച് 71 ലക്ഷം ഡോസുകളാണ് രാജ്യത്ത് നൽകിയത്. ഈ മാസം അവസാനിക്കുന്നതിന് മുമ്പായി 100 കോടിയെന്ന കണക്കിൽ ഇന്ത്യയുടെ വാക്‌സിനേഷൻ എത്തുമെന്നാണ് പ്രതീക്ഷിക്കുന്നത്.
വാക്‌സിനേഷന് അർഹരായ 70 ശതമാനം ഇന്ത്യൻ പൗരൻമാരും ആദ്യ ഡോസ് പൂർത്തിയാക്കിയിട്ടുണ്ട്. പ്രായപൂർത്തിയാവരിൽ 25 ശതമാനം പേരും ഇരുഡോസുകളും സ്വീകരിച്ചവരാണെന്നും ആരോഗ്യമന്ത്രാലയം അറിയിച്ചു.
Comments