കുരങ്ങന്റെ കൈയിലെ പൂമാലയൊക്കെ പണ്ട് ഇപ്പോൾ കരടിയുടെ കൈയിലെ ഗോപ്രോ ക്യാമറ; വൈറലായി കരടി പകർത്തിയ സ്വന്തം വീഡിയോ

വാഷിംഗ്ടൺ: മനുഷ്യനെ പോലെ കരടിയും ക്യാമറയുമായി ചിത്രീകരണത്തിനങ്ങിയാലോ? ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത് കരടി സ്വന്തമായി പകർത്തിയ തന്റെ വീഡിയോ ആണ്, അതും ഗോപ്രോ ക്യാമറ ഉപയോഗിച്ച്. സംഭവം ഗ്രാഫിക്‌സ് ഒന്നുമല്ല സത്യമാണ്. യുഎസിലെ വ്യോമിംഗ് മലനിരകളിൽ നിന്നാണ് കരടി തന്റെ ദൃശ്യങ്ങൾ പകർത്തിയത്.

മലനിരകൾക്കിയടയിൽ കണ്ട ക്യാമറ അബദ്ധത്തിൽ കരടി പ്രവർത്തിപ്പിച്ചു. അതിൽ തന്റെ ദൃശ്യങ്ങൾ റെക്കോർഡ് ആകുന്ന വിവരം കരടി അറിഞ്ഞില്ല. ഒരു എത്തും പിടിയും കിട്ടാതെ കുറെ സമയം കരടി ക്യാമറയുമായി കളിച്ചു, ഒപ്പം അതിന്റെ വീഡിയോയും പകർത്തി. ശേഷം ചാർജ് തീർന്നപ്പോൾ കരടി ക്യാമറ ഉപേക്ഷിച്ചു.

വ്യോമിംഗ് മലനിരകളിൽ ട്രെക്കിംഗിനിറങ്ങിയ ഡിലൻ ഷിൽറ്റ് മഞ്ഞുകട്ടക്കിടയിൽ ഉപേക്ഷിക്കപ്പെട്ട നിലയിൽ ആ ഗോപ്രോ ക്യാമറ കണ്ടെത്തി. കൈയിൽ ഉള്ള ചാർജർ ഉപയോഗിച്ച് ക്യാമറ ചാർജ് ചെയ്ത് ഓണാക്കിയ ഡിലനെ ഞെട്ടിപ്പിക്കുന്നതായിരുന്നു അതിൽ പകർത്തിയ ദൃശ്യങ്ങൾ. കരടി ക്യാമറ ഉപയോഗിച്ച് തന്റെ ദൃശ്യങ്ങൾ പകർത്തിയ വീഡിയോയാണ് ഡിലൻ കണ്ടത്. ശേഷം അദ്ദേഹം ആ ദൃശ്യങ്ങൾ ട്വിറ്ററിൽ പങ്കുവെച്ചു.

വീഡിയോ വൈറലായതോടെ നിരവധി പേരാണ് പ്രതികരണവുമായി എത്തിയത്. കരടി വ്‌ലോഗ് ചെയ്യുകയാണെന്നാണ് ഭൂരിഭാഗം ആളുകളും അഭിപ്രായപ്പെട്ടത്.

https://twitter.com/NE0NGENESlS/status/1444424054648283140?ref_src=twsrc%5Etfw%7Ctwcamp%5Etweetembed%7Ctwterm%5E1444424054648283140%7Ctwgr%5E%7Ctwcon%5Es1_&ref_url=https%3A%2F%2Fwww.timesnownews.com%2Fthe-buzz%2Farticle%2Fhes-vlogging-bear-finds-gopro-camera-in-forest-records-himself-watch-viral-video%2F821225