ന്യൂഡൽഹി: കൊവിഷീൽഡ് വാക്സിന്റെ ഇരുഡോസുകളും സ്വീകരിച്ച ഇന്ത്യൻ യാത്രക്കാർക്ക് യുകെയിൽ ഇനി ക്വാറന്റൈൻ ആവശ്യമില്ല. കൊവിഷീൽഡിന് പുറമെ യുകെ അംഗീകരിച്ച മറ്റേതെങ്കിലും വാക്സിൻ സ്വീകരിച്ചവർക്കും ഇളവ് ലഭിക്കും. ഒക്ടോബർ 11 മുതലാണ് പുതുക്കിയ നിർദേശങ്ങൾ പ്രാബല്യത്തിൽ വരിക.
No quarantine for Indian 🇮🇳 travellers to UK 🇬🇧 fully vaccinated with Covishield or another UK-approved vaccine from 11 October.
Thanks to Indian government for close cooperation over last month. pic.twitter.com/cbI8Gqp0Qt
— Alex Ellis (@AlexWEllis) October 7, 2021
ബ്രിട്ടീഷ് പൗരൻമാർക്കും ഇന്ത്യയിൽ ക്വാറന്റൈൻ ഏർപ്പെടുത്തിയതോടെയാണ് യുകെ ഇളവ് നൽകാൻ തയ്യാറായത്. രണ്ട് ഡോസ് സ്വീകരിച്ചാലും യുകെയിൽ എത്തുന്ന ഇന്ത്യക്കാർ ക്വാറന്റൈനിൽ കഴിയണമെന്നായിരുന്നു യുകെയുടെ ആദ്യ നിലപാട്. എന്നാൽ ഇന്ത്യ സമ്മർദ്ദം ചെലുത്തിയതോടെ ഇളവ് നൽകേണ്ടി വന്നു.
ഇന്ത്യ ഉൾപ്പെടെ 37 രാജ്യങ്ങളിലെ യാത്രക്കാർക്ക് ഇളവ് ലഭിച്ചിട്ടുണ്ട്. എങ്കിലും കൊവാക്സിൻ സ്വീകരിച്ചവർക്ക് ക്വാറന്റൈൻ ആവശ്യമാണ്. കൊവിഷീൽഡ്, ഫൈസർ, മഡോണ, ജൻസൻ തുടങ്ങിയ വാക്സിനുകളാണ് നിലവിൽ യുകെ അംഗീകരിച്ചിരിക്കുന്നത്.
Comments