മുംബൈ: ചിലർ പിൻസീറ്റിൽ ഇരുന്ന് ബൈക്കിൽ അഭ്യാസപ്രകടനം നടത്തുന്നത് ഒരു പുതിയ കാഴ്ചയല്ല. ഇതിനു മുൻപും അത്തരത്തിലുള്ള പ്രകടനങ്ങൾ നമ്മൽ കണ്ടിട്ടുണ്ട്. അത്തരത്തിൽ ഇന്ത്യൻ നിരത്തുകളിൽ പാഞ്ഞ ബൈക്കിന്റെ ദൃശ്യങ്ങൾ ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുകയാണ്. മഹീന്ദ്ര ചെയർമാൻ ആനന്ദ് മഹീന്ദ്രയാണ് ബൈക്ക് സ്റ്റണ്ടിംഗിന്റെ വീഡിയോ ട്വിറ്ററിലൂടെ പങ്കുവെച്ചത്.
ബൈക്കിന്റെ പിൻസീറ്റിൽ കൈകെട്ടിയിരുന്നു ബൈക്ക് ഓടിക്കുന്ന യുവാവിന്റെ ദൃശ്യങ്ങളാണ് ജനങ്ങളെ അമ്പരപ്പിക്കുന്നത്. ബൈക്ക് അതിവേഗത്തിൽ മുന്നോട്ട് പോകുന്നതും ദൃശ്യങ്ങളിൽ കാണാം. അപകടകരമായ ഈ അഭ്യാസപ്രകടത്തിലൂടെ രണ്ട് തരം അഭിപ്രായങ്ങളാണ് ഉയരുന്നത്.
ഇത് മാജിക്കാണോ എന്നാണ് ചിലർ അഭിപ്രായപ്പെടുന്നത്. അതേസമയം ഇത്തരത്തിലുള്ള പ്രകടനങ്ങൾ പ്രോത്സാഹിപ്പിക്കരുതെന്ന് പറയുന്നവരുമുണ്ട്.
Love this…Musafir hoon yaaron… na chalak hai, na thikaana.. https://t.co/9sYxZaDhlk
— anand mahindra (@anandmahindra) October 20, 2021
