തെലങ്കാന: ആരാധകർക്ക് കാത്തിരിപ്പിന് വിരാമം. തന്റെ പുതിയ ചിത്രമായ ‘രാധേ ശ്യമിന്റെ ടീസർ പുറത്തിറക്കി നടൻ പ്രഭാസ്. താരത്തിന്റെ ജന്മദിനമായ ഇന്നാണ് ആരാധകർക്ക് പിറന്നാൾ ട്രീറ്റുമായി ചിത്രത്തിന്റെ ടീസർ പുറത്തിറക്കിയത്. ഇൻസ്റ്റാഗ്രാമിലൂടെയാണ് താരം ടീസർ ആരാധകരുമായി പങ്കുവച്ചത്.
വിക്രമാദിത്യ എന്ന കഥാപാത്രത്തെയാണ് താരം അഭിനയിക്കുന്നത്. ”എനിക്ക് നിങ്ങളെ അറിയാം,എന്നാൽ ഞാൻ പറയില്ല, എനിക്ക് നിങ്ങളുടെ ഹൃദയമിടിപ്പ് അറിയാം എന്നാൽ ഞാൻ പറയില്ല, ഞാൻ നിങ്ങളുടെ തോൽവികൾ കാണുന്നുണ്ട് എന്നാൽ ഞാൻ പറയില്ല, കാരണം നിങ്ങൾ മനസ്സിലാക്കി വച്ചിട്ടുളളതിൽ അപ്പുറമാണ് അവയെല്ലാം” എന്നീ ഡയലോഗുകളോടെ ആണ് ടീസർ ആരംഭിക്കുന്നത്. കറുത്ത ടക്സീഡോ ധരിച്ചാണ് താരത്തിന്റെ എൻട്രി.
നിരവധി പേരാണ് ടീസർ ഇൻസ്റ്റാഗ്രാമിലൂടെ കണ്ടത്. പൂജ ഹെഗ്ഡെ ചിത്രത്തിന്റെ നായിക. റൊമാന്റിക് ഡ്രാമാ ചിത്രമാണ് രാധേ ശ്യാം. ചിത്രം ഒരേ സമയം തെലുങ്ക്,ഹിന്ദി ഭാഷകളിൽ ചിത്രീകരിക്കുന്നുണ്ട്. രാധാക്യഷ്ണ കുമാറാണ് ചിത്രത്തിന്റെ സംവിധാനം. ഭുഷൻകുമാർ,വമ്സി,പ്രമോദ് പ്രസീദ എന്നിവരാണ് ചിത്രത്തിന്റെ നിർമ്മാണം. യുവി ക്രിയേഷൻ,ടി-സീരീസ് ആണ് ചിത്രത്തിന്റെ നിർമ്മാണ കമ്പനികൾ. അടുത്ത വർഷം ജനുവരി 14 ന് ചിത്രം തിയറ്ററുകളിൽ പ്രദർശനത്തിന് എത്തും.
Comments