ലക്നൗ: മെഡിക്കൽ വിദ്യാഭ്യാസ പുരോഗതിയിൽ രാജ്യത്തിന് വൻ നേട്ടം. ഒമ്പത് പുതിയ മെഡിക്കൽ കോളേജുകൾ തുറക്കുന്നത് ചെറിയ കാര്യമല്ലെന്ന് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ. രാജ്യത്തെ മെഡിക്കൽ വിദ്യാഭ്യാസ രംഗത്തെ പുരോഗതിയാണ് പ്രധാനമന്ത്രി ലക്ഷ്യമിടുന്നതെന്നും മൻസൂഖ് മാണ്ഡവ്യ വ്യക്തമാക്കി. ഉത്തർപ്രദേശിലെ സിദ്ദാർത്ഥ് നഗറിൽ നടന്ന ചടങ്ങിൽ സംസാരിക്കുകയായിരുന്നു അദ്ദേഹം.
ഇതുവരെ രാജ്യത്ത് 157 പുതിയ മെഡിക്കൽ കോളേജുകളാണ് കേന്ദ്ര സർക്കാർ അനുവദിച്ചത്. ഇതിൽ 63 മെഡിക്കൽ കോളേജുകൾ പ്രവർത്തനം ആരംഭിച്ചു. മെഡിക്കൽ കോളേജുകൾ ഭാവി തലമുറകൾക്ക് ഒരു നേട്ടമാണെന്നും മന്ത്രി പറഞ്ഞു. സിതാന്ദർപൂരിലെ ഗാസിപൂർ,മിർസാപൂർ,പ്രതാപ്ഗഡ്,ഫത്തേപൂർ,ഡിയോറിയ, ഏതാ,ഹർദോയ്,ജൂവാനാപൂർ എന്നീ ജില്ലകളിലാണ് മെഡിക്കൽ കോളേജുകൾ സ്ഥാപിക്കാൻ ഒരുങ്ങുന്നത്.
നിലവിൽ പുരോഗമനം ഇല്ലാത്ത ജില്ലകളിൽ മെഡിക്കൽ കോളേജുകൾ നിർമ്മിക്കാനാണ് തീരുമാനം. ഇതുവഴി ഇവർക്ക് മികച്ച ചികിത്സ ഉറപ്പ് വരുത്താനാണ് സർക്കാർ ലക്ഷ്യമിടുന്നത്. കൂടുതൽ മെഡിക്കൽ കോളേജുകൾ ആരംഭിക്കുന്നത് വഴി സീറ്റുകളുടെ എണ്ണം വർദ്ധിപ്പിക്കും. ഇതിനായി 16,000 യുജി സീറ്റുകൾ കേന്ദ്ര സർക്കാർ അനുവദിച്ചതായി കേന്ദ്ര ആരോഗ്യ മന്ത്രാലയം വ്യക്തമാക്കി.
