മുംബൈ: അന്തരിച്ച ബിജെപി നേതാവ് പ്രമോദ് മഹാജന്റെ അപൂർവ്വ വീഡിയോ പങ്കുവെയ്ച്ച് മകൾ പൂനം മഹാജൻ. പ്രമോദ് മഹാജന്റെ ജന്മദിനത്തോടനുബന്ധിച്ചാണ് അച്ഛനോടൊപ്പമുള്ള കുട്ടിക്കാലത്തെ അപൂർവ്വ നിമിഷത്തിന്റെ ദൃശ്യം പൂനം മഹാജൻ ട്വിറ്ററിൽ പങ്കുവെച്ചത്.
മഹാജന്റെ മടിയിലിരുന്ന് ചെറുപ്പത്തിൽ ഭക്ഷണം കഴിക്കുന്ന ദൃശ്യങ്ങളാണ് സമൂഹ മാദ്ധ്യമങ്ങളിൽ ശ്രദ്ധിക്കപ്പെടുന്നത്. മഹാരാഷ്ട്രയിലെ ഒരു പ്രാദേശിക മാദ്ധ്യമത്തിന് നൽകിയ അഭിമുഖവും പോസ്റ്റ് ചെയ്തിട്ടുണ്ട്. മുതിർന്ന ബിജെപി നേതാവും കേന്ദ്രമന്ത്രിയുമായിരുന്ന പ്രമോദ് മഹാജന്റെ 72-ാം ജന്മദിനമായിരുന്നു കഴിഞ്ഞ ദിവസം.
വാജ്പേയ് മന്ത്രിസഭകളിൽ പ്രതിരോധം, വാർത്താവിതരണം, പാർലമെന്ററി,ഐടി, ടെലികമ്മ്യൂണിക്കേഷൻ വകുപ്പുകൾ കൈകാര്യം ചെയ്തിട്ടുണ്ട്. 2006 മെയ്യ് 3 നായിരുന്നു ആകസ്മികമായ മരണം. മകൾ പൂനം മഹാജൻ മുംബൈ നോർത്ത് സെൻട്രലിൽ നിന്നുള്ള ലോക്സഭാംഗമാണ്.
