കൊച്ചി : നടൻ ജോജു ജോർജിന് പിന്തുണയുമായി കൂടുതൽപേർ രംഗത്ത്.നടൻ അലക്സാണ്ടർ പ്രശാന്ത് ആണ് ജോജുവിന് പിന്തണയുമായി രംഗത്തെത്തിയിരിക്കുന്നത്.ഫേസ്ബുക്ക് ലൈവിൽകൂടിയാണ് നടൻ ജോജുവിന് പിന്തുണ നൽകിയത്. ലൈവിൽ കോൺഗ്രസ് നേതാക്കളുടെ ആരോപണം സ്കൂൾ കുട്ടികളുടെ നിലവാരത്തിലുള്ളതാണെന്ന് അദ്ദേഹം പറഞ്ഞു. ലോകം മുഴുവൻ ലൈവായി കണ്ട സംഭവത്തിൽ ജോജു എവിടെയാണ് വനിതകളെ അപമാനിച്ചതെന്നും പ്രശാന്ത് ചോദിച്ചു.
എത്രയോ വർഷക്കാലം ഇന്ത്യ ഭരിച്ചിട്ടുള്ള ഒരു രാഷ്ട്രീയ പ്രസ്ഥാനമാണ് ഇന്ന് അഡ്രസ് പോലും ഇല്ലാതെ ആയിരിക്കുന്നത്.എത്രയോ കാലം ബംഗാൾ ഭരിച്ചിരുന്ന ഒരു രാഷ്ട്രീയ പ്രസ്ഥാനമാണ് ഇന്ന് ബംഗാളിൽ ഒരു സീറ്റ് പോലും നേടാൻ കഴിയാതെ നിൽക്കുന്നത്. എന്ന് ഓർക്കണമെന്ന് പ്രശാന്ത് ചൂണ്ടിക്കാട്ടി.പൊതു ജനങ്ങളുടെ വികാരം മനസ്സിലാകാതെ മുന്നോട്ട് പോയാൽ സ്വന്തം നേട്ടത്തിന് വേണ്ടി കൈയടിക്ക് വേണ്ടി മുന്നോട്ട് പോയാൽ ഉണ്ടാകാൻ പോകുന്ന വലിയ നഷ്ടം എന്താണെന്ന് മനസിലായിട്ടില്ലെങ്കിൽ ഖേദകരം മത്രമാണെന്ന് അദ്ദേഹം ഫേസ്ബുക്ക് ലൈവിൽ പറഞ്ഞു.
ദേശീയ പാത തടഞ്ഞുകൊണ്ടുള്ള കോൺഗ്രസ് പ്രവർത്തകരുടെ സമരത്തോട് രോക്ഷാകുലനായി പ്രതികരിച്ച് നടൻ ജോജു ജോർജ് രംഗത്തെത്തിയിരുന്നു. ദേശീയപാതയിലെ ഗതാഗതം പൂർണമായി സ്തംഭിച്ച് രോഗികൾ അടക്കം നടുറോഡിൽ കുടുങ്ങിക്കിടക്കുന്ന സാഹചര്യത്തിലാണ് സമരത്തോട് ശക്തമായി പ്രതികരിച്ച് ജോജു ജോർജ് എത്തിയത്.അദ്ദേഹത്തിന്റെ പ്രതിഷേധം നാട്ടുകാർ കൂടി ഏറ്റെടുത്തതോടെ കോൺഗ്രസ് പ്രവർത്തകർ സമരം അവസാനിപ്പിച്ചു.
Comments