ലക്നൗ: കൊറോണയിൽ നിന്നും മുക്തി നേടി ഉത്തർപ്രദേശിലെ ഗോരഖ്പൂർ ജില്ല. ഈ നേട്ടം കൈവരിക്കാനായി നിരന്തരം പരിശ്രമിച്ച ജില്ലാഭരണകൂടത്തെയും ആരോഗ്യ പ്രവർത്തകരെയും ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അഭിനന്ദിച്ചു. ട്വിറ്ററിലൂടെയാണ് യോഗി ഇക്കാര്യം പങ്കുവെച്ചത്.
‘മഹായോഗി ഗുരു ഗോരഖ്നാഥ് ജിയുടെ പുണ്യഭൂമിയായ ഗോരഖ്പൂർ കൊറോണ മുക്തമായിരിക്കുന്നു. ജില്ലയിൽ നിലവിൽ ഒരു കേസുകളും റിപ്പോർട്ട് ചെയ്തിട്ടില്ല’ യോഗി ആദിത്യനാഥ് ട്വിറ്ററിൽ കുറിച്ചു.
ഈ നേട്ടം കൈവരിച്ചതിൽ ജില്ലാഭരണകൂടം വഹിച്ച പങ്ക് വളരെ വലുതാണ്. കൂടാതെ ആരോഗ്യപ്രവർത്തകരുടെ നിരന്തര പരിശ്രമവും ജനങ്ങളുടെ അകമഴിഞ്ഞ പ്രയത്നങ്ങളും പ്രശംസനീയമാണെന്നും യോഗി കൂട്ടിച്ചേർത്തു.
കഴിഞ്ഞ ദിവസം ഉത്തർപ്രദേശിൽ അഞ്ച് കൊറോണ കേസുകൾ മാത്രമാണ് റിപ്പോർട്ട് ചെയ്തത്. 91 സജീവ കേസുകൾ മാത്രമാണ് സംസ്ഥാനത്തിപ്പോൾ നിലവിലുള്ളത്.
