ബത്തേരി: വയനാട്ടിൽ രണ്ട് കമ്യൂണിസ്റ്റ് ഭീകര നേതാക്കൾ അറസ്റ്റിൽ ഭീകരസംഘടനയുടെ പശ്ചിമഘട്ട സോണൽ സെക്രട്ടറിയായ കർണാടക സ്വദേശി കൃഷ്ണമൂർത്തി, സാവിത്രി എന്നിവരാണ് പിടിയിലായത്. സുൽത്താൻ ബത്തേരിയിൽ വെച്ച് എൻഐഎ സംഘമാണ് ഇരുവരെയും അറസ്റ്റ് ചെയ്തത്.
ഭീകരസംഘടനയുടെ കേന്ദ്രകമ്മിറ്റി അംഗമാണ് പിടിയിലായ കൃഷ്ണമൂർത്തി.കഴിഞ്ഞ ദിവസം കമ്യൂണിസ്റ്റ് ഭീകരൻ രാഘവേന്ദ്രനെ കണ്ണൂർ പോലീസ് പിടികൂടിയിരുന്നു. നിലമ്പൂർ കാട്ടിൽ ആയുധ പരിശീലനം നടത്തിയ കേസിലാണ് ഇയാൾ അറസ്റ്റിലായത്. തമിഴ്‌നാട് സ്വദേശിയായ ഇയാളെ ചോദ്യം ചെയ്തതിൽ നിന്നാണ് മറ്റ് സംഘങ്ങളെ കുറിച്ച് വിവരം ലഭിച്ചത്.
രണ്ട് ദിവസം മുൻപ് സമാനരീതിയിൽ കണ്ണൂരിൽ ഒളിവിൽ കഴിയുകയായിരുന്ന കമ്യൂണിസ്റ്റ് ഭീകരൻ പിടിയിലായിരുന്നു. മുരുകൻ എന്ന ഗൗതം ആണ് പാപ്പിനിശ്ശേരിയിൽ എൻഐഎയുടെ പിടിയിലായത്.വാഹന പരിശോധനയ്‌ക്കിടെയാണ് ഇയാൾ പിടിയിലായത്.
