മുംബൈ: ന്യൂസിലൻഡുമായുള്ള ടി-ട്വന്റി പരമ്പരക്കുള്ള ഇന്ത്യൻ ടീം ക്യാപ്റ്റനായി രോഹിത് ശർമ. 16 അംഗ ടീമിനെയും പ്രഖ്യാപിച്ചു. കെ എൽ രാഹുലാണ് വൈസ് ക്യാപ്റ്റൻ.
ലോകകപ്പിന് ശേഷം ടി-ട്വന്റി നായകസ്ഥാനം ഒഴിഞ്ഞ വിരാട് കോലിക്ക് ന്യൂസിലൻഡിനെതിരായ ടി- ട്വന്റി പരമ്പരയിലും ടെസ്റ്റ് പരമ്പരയിലെ ആദ്യ മത്സരത്തിലും വിശ്രമം അനുവദിച്ചു.ന്യൂസിലൻഡിനെതിരായ ഇന്ത്യയുടെ ആദ്യ ടെസ്റ്റ് മത്സരത്തിലും രോഹിത് തന്നെയായിരിക്കും നായകൻ. രണ്ടാം ടെസ്റ്റിൽ നായകനായി കോലി തിരിച്ചെത്തുമെന്നാണ് സൂചന.
ടി-ട്വന്റി ലോകകപ്പ് ടീമിലുണ്ടായിരുന്ന വിക്കറ്റ് കീപ്പർ റിഷഭ് പന്ത്, സൂര്യകുമാർ യാദവ്, ഇഷാൻ കിഷൻ, രവിചന്ദ്രൻ അശ്വിൻ, ഭുവനേശ്വർ കുമാർ എന്നിവർ ടീമിൽ ഇടം പിടിച്ചു.ദീപക് ചഹർ ,ശ്രേയസ് അയ്യർ, അക്സൽ പട്ടേൽ എന്നിലരും 16 അംഗ ടീമിൽ ഇടം പിടിച്ചിട്ടുണ്ട്. ടീമിലെ മുതിർന്ന താരങ്ങളായ ജസ്പ്രീത് ബുംറെ, മുഹമ്മദ് ഷമി എന്നിവർക്ക് ടി-ട്വന്റിയിൽ വിശ്രമം നൽകിയേക്കും.
ജയ്പൂർ, റാഞ്ചി, കൊൽക്കത്ത എന്നിവിടങ്ങളിലായാണ് ആദ്യ മൂന്ന് ടി-ട്വന്റി മത്സരങ്ങൾ നടക്കുക. കാൺപൂരും മുംബൈയുമാണ് രണ്ട് ടെസ്റ്റ് മത്സരങ്ങൾക്ക് ആതിഥേയത്വം വഹിക്കുന്നത്.
