കാടും മലയും കയ്യേറി മനുഷ്യൻ ഭൂമി തന്റേത് മാത്രമാക്കി മാറ്റുകയാണ്. മറ്റുള്ള ജീവികളുടെ ആവാസവ്യവസ്ഥയിലേക്കുള്ള മനുഷ്യന്റെ കടന്നു കയറ്റം പല ജീവികളെയും ഭൂമിയിൽ നിന്ന് തുടച്ചു നീക്കി.പലപ്പോഴും മനുഷ്യന്റെ നിർമ്മിതികൾ മറ്റു ജീവികൾക്ക് പലപ്പോഴും ബുദ്ധിമുട്ടാവുമുണ്ട്. അത്തരത്തിൽ മനുഷ്യൻ വലിയ സംഭവമായി കരുതി നിർമ്മിച്ച ഒന്നിനെ കാര്യമാക്കാതെ സഞ്ചരിച്ച ഒരു ആനയാണിപ്പോൾ സമൂഹമാദ്ധ്യമങ്ങളിൽ താരമായിരിക്കുന്നത്.
കർണാടകയിൽ ആനയെ തടയാൻ മനുഷ്യൻ സ്ഥാപിച്ച ഇരുമ്പ് വേലി ചാടിക്കടക്കുന്ന വീഡിയോ ആണ് ആളുകൾ ഏറ്റെടുത്തിരിക്കുന്നത് . ഒറ്റ നോട്ടത്തിൽ അസാദ്ധ്യമെന്ന് തോന്നുമെങ്കിലും ഏറെ ശ്രമപ്പെട്ട് ആന ഇരുമ്പ് വേലി ചാടിക്കടക്കുക തന്നെ ചെയ്തു. ആദ്യം മുൻ കാലുകൾ വേലിക്കപ്പുറം എടുത്തുവെച്ച് ചുറ്റും ഒന്ന് നോക്കി. ശ്രദ്ധാ പൂർവ്വം വേലി മറികടക്കുന്ന ആനയുടെ പരിശ്രമത്തിന് നൂറിൽ നൂറ് മാർക്കാണ് സമൂഹമാദ്ധ്യമങ്ങളിലൂടെ ആളുകൾ നൽകുന്നത്.
https://twitter.com/supriyasahuias/status/1460915376376586244
ഐഎഎസ് ഓഫീസറായ സുപ്രിയ സാഹുവാണ് വീഡിയോ ട്വിറ്ററിലൂടെ പുറത്ത് വിട്ടത്. ഒന്നും പറയാനില്ല എന്ന ക്യാപ്ഷനോടെ പോസ്റ്റ് ചെയ്ത 27 സെക്കന്റ് ദൈർഘ്യമുള്ള വീഡിയോ ലക്ഷക്കണക്കിന് ആളുകളാണ് കണ്ടത്.
