ആലപ്പുഴ : റോഡിലെ വെള്ളക്കെട്ട് ഒഴിവാക്കാൻ നടപടി സ്വീകരിക്കാത്ത സംസ്ഥാന സർക്കാരിനെതിരെ റോഡിൽ വലയെറിഞ്ഞ് പ്രതിഷേധിച്ച് ബിജെപി. ആലപ്പുഴ- ചങ്ങനാശ്ശേരി എ സി റോഡിലെ വെള്ളക്കെട്ട് ഒഴിവാക്കാൻ നടപടി സ്വീകരിക്കാത്തതിനെ തുടർന്ന് വേറിട്ട പ്രതിഷേധവുമായി ബിജെപി രംഗത്ത് എത്തിയത്. മഴ പെയ്ത് വെള്ളം കയറിയാൽ ഇതുവഴിയുള്ള ഗതാഗതം പൂർണമായും സ്തംഭിക്കും.
മങ്കൊമ്പ് ഒന്നാംകര മുതൽ പള്ളികൂട്ടുമ്മ വരെയുള്ള ഭാഗത്താണ് രൂക്ഷമായ വെള്ളക്കെട്ട് ഉള്ളത്. ഇതു മൂലം കുട്ടനാട്ടുകാരുടെ യാത്ര ദുരിതം നാൾക്കു നാൾക്കു നാൾ ഏറുകയാണ്. റോഡിലെ വെള്ളക്കെട്ടിന് പരിഹാരം കാണമെന്ന് പ്രദേശവാസികൾ നിരവധി തവണ ആവശ്യപ്പെട്ടിരുന്നു. ഇന്നാൽ ഇത് തുടർച്ചയായി അവഗണിച്ച സാഹചര്യത്തിലാണ് ബി.ജെ.പി.യുടെ നേതൃത്വത്തിൽ വല വീശി പ്രതിഷേധിച്ചത്.
നിലവിൽ ഈ റോഡിൽ സെമി എലിവേറ്റഡ് ഹൈവേ യുടെ നിർമ്മാണ പ്രവർത്തനങ്ങൾ നടക്കുന്നതിനാൽ വെള്ളക്കെട്ട് ഒഴിവായാൽ തന്നെയും ഇതുവഴി ഗതാഗതം പുനസ്ഥാപിക്കാൻ കഴിയില്ല.നിർമ്മാണ പ്രവർത്തനങ്ങൾപൂർത്തീകരിക്കാൻ വർഷങ്ങൾ വേണ്ടിവരും എന്നിരിക്കെ സർക്കാരിന്റെ ഭാഗത്തുനിന്നും അടിയന്തര നടപടി വേണമെന്നാണ് ബിജെപിയുടെ ആവശ്യം.
Comments