വാഷിംഗ്ടൺ: പാശ്ചാത്യ സംഗീത ലോകത്തെ ബഹുമതിയായ ഗ്രാമി അവാർഡുകൾക്കായുള്ള നാമനിർദ്ദേശപട്ടികകൾ പുറത്തുവിട്ടു. 2022ൽ വിതരണം ചെയ്യുന്നത് 64-ാമത് ഗ്രാമി അവർഡുകളാണ്. ആദ്യമായി ഇത്തവണ ഒരോ വിഭാഗത്തിലും പത്തുപേരെ വീതം പരിഗണിച്ചിരിക്കുന്നു എന്ന പ്രത്യേകതയും സംഘാടകർ പങ്കുവച്ചു.
മികച്ച റെക്കോഡ് , മികച്ച ആൽബം , മികച്ച ഗാനം, മികച്ച ഗായകർ എന്നിവർക്കാണ് ബഹുമതി നൽകുക. ജസ്റ്റിൻ ബീബർ, ജോൻ ബാറ്റിസ്‌റ്റേ, ഡോജാ കാറ്റ് എന്നിവരടക്കം നിരവധി പ്രശസ്തരുടെ പേരുകൾ പട്ടികയിലുണ്ട്.
റെക്കോർഡിംഗ് അക്കാദമിയുടെ അംഗങ്ങളുടെ സമിതിയാണ് പ്രശസ്തരെ നിർദ്ദേശിച്ചത്. ഇവരെ നിർദ്ദേശിച്ചവരിൽ മികച്ച ഗായകരും വാദ്യകലാകാരന്മാരും എഴുത്തുകാരും ഗാന നിർമ്മാതാക്കളും സൗണ്ട് മിക്‌സിംഗ്, സൗണ്ട് എഞ്ചിനീയർ എന്നിവരടങ്ങുന്ന ലോകമെമ്പാടുമുള്ള മികച്ച സംഘമാണ്.
