ലണ്ടൻ: ലോകത്ത് വീണ്ടും ആശങ്ക വിതച്ചുകൊണ്ടുള്ള കൊറോണ വകഭേദത്തിന്റെ വ്യാപനം ആഫ്രിക്കൻ രാജ്യങ്ങളിൽ സ്ഥിരീകരിച്ചു. മൂന്നാം തരംഗത്തിന് മുന്നേ പുതിയ വകഭേദം വ്യാപനം തടയാനായി ബ്രിട്ടൻ മുൻകരുതലെടുക്കുകയാണ്. ആറ് ആഫ്രിക്കൻ രാജ്യങ്ങളിലേക്കുള്ള വിമാന സേവനങ്ങളാണ് ബ്രിട്ടൻ റദ്ദാക്കിയത്. 30 വിവിധ തരത്തിലൂള്ള വൈറസ് വ്യാപനമാണ് ദക്ഷിണാഫ്രിക്കയിലടക്കം കണ്ടെത്തിയത്.
പുതിയ വഭേദത്തിൽ നിരവധി പ്രോട്ടീൻ ഘടകങ്ങൾ കണ്ടെത്തിയത് ആശങ്കപടർത്തുന്നു. മനുഷ്യശരീരത്തിൽ കൂടുതൽകാലം നിലനിൽക്കാൻ സാധിക്കുന്ന വിധത്തിലുള്ള മാറ്റമാണ് പുതിയ വകഭേദത്തിനുള്ളത്. വാക്സിനുകളുടെ ശക്തി തിരിച്ചറിഞ്ഞ് പ്രതികരിക്കാൻ കഴിയുന്ന വിധമാണ് പുതിയ വകഭേദത്തിന് പരിണാമം സംഭവിച്ചിരിക്കുന്നത്. ഇത് ഇനിയുള്ള സമയത്തെ ചികിത്സകളേയും ബാധിക്കുമെന്ന മുന്നറിയിപ്പ് ബ്രിട്ടീഷ് ആരോഗ്യ ഏജൻസികൾ അറിയിച്ചു.
പുതിയ വകഭേദം ബാധിച്ചു തുടങ്ങിയതായി വിവരം ലഭിച്ചിട്ടില്ല. പക്ഷെ മുൻകരുത ലെടുക്കേണ്ടത് ഏറെ അത്യാവശ്യമാണ്. വാക്സിൻ വിതരണം വേഗത്തിലാക്കിയിട്ടുണ്ടെന്നും അതിശൈത്യത്തിലേക്ക് രാജ്യം കടന്നിരിക്കുന്നതോടെ ആരോഗ്യമേഖലയിൽ കൂടുതൽ ശ്രദ്ധ ആവശ്യമായിരിക്കുന്നുവെന്നും ബ്രിട്ടീഷ് ആരോഗ്യവകുപ്പ് അറിയിച്ചു.
