ന്യൂഡൽഹി: ഇന്ത്യയിലെ ഡിജിറ്റൽ പേയ്മെന്റ് മത്സരം ശക്തമാക്കുന്നതിനിടെ വാട്ട്സ്ആപ്പിന്റെ പേയ്മെന്റ് സേവനത്തിനുള്ള ഉപഭോക്തൃ പരിധി നിലവിലെ 20 ദശലക്ഷത്തിൽ നിന്ന് 40 ദശലക്ഷമായി ഉയർത്താൻ എൻപിസിഐ അനുമതി നൽകി.
ഉപയോക്തൃ പരിധി 20 ദശലക്ഷത്തിനപ്പുറം വർദ്ധിപ്പിക്കാൻ വാട്സ്ആപ്പ് ശ്രമിക്കുന്നുവെന്നും ഇത് എൻപിസിഐ അവലോകനം ചെയ്യുന്നുണ്ടെന്നും റിപ്പോർട്ട് നേരത്തെ പുറത്ത് വന്നിരുന്നു. പണമിടപാട് സംവിധാനത്തിന് തടസ്സമാകാതിരിക്കാൻ എൻപിസിഐ ഇത് ഘട്ടംഘട്ടമായി വർദ്ധിപ്പിക്കാനാണ് സാധ്യത.
രാജ്യത്തെ റീട്ടെയിൽ പേയ്മെന്റ്, സെറ്റിൽമെന്റ് സംവിധാനങ്ങൾ പ്രവർത്തിപ്പിക്കുന്ന നാഷണൽ പേയ്മെന്റ് കോർപ്പറേഷൻ ഓഫ് ഇന്ത്യ (എൻപിസിഐ) കഴിഞ്ഞ വർഷം നവംബറിൽ 20 ദശലക്ഷം ഉപയോക്താക്കളുമായി പേയ്മെന്റ് സേവനങ്ങൾ ആരംഭിക്കാൻ വാട്സ്ആപ്പിനെ അനുവദിച്ചിരുന്നു. ഇപ്പോൾ പേയ്മെന്റ് സേവനം വിപുലീകരിക്കാനുള്ള ശ്രമങ്ങൾ ശക്തമാക്കാൻ വാട്ട്സ്ആപ്പ് തീരുമാനിച്ചു.
വാട്ട്സ്ആപ്പിന്റെ മെസഞ്ചർ സേവനത്തിന് ഇന്ത്യയിൽ 400 ദശലക്ഷത്തിലധികം ഉപയോക്താക്കളുണ്ട്. പേയ്മെന്റ് സേവനത്തിന്റെ പരിധി ഒറ്റയടിക്ക് ഉയർത്തുന്നത് എൻപിസിഐയുടെ പ്ലാറ്റ്ഫോമിൽ വളരെ ഉയർന്ന ഇടപാടുകളിലേക്ക് പോകാൻ സാധ്യതയുണ്ട്.
Comments