കോഴിക്കോട്: വഖഫ് സംരക്ഷണ റാലിയില് നടത്തിയ പരാമര്ശത്തില് ഖേദം പ്രകടിപ്പിച്ച് ലീഗ് നേതാവ് അബ്ദുറഹ്മാന് കല്ലായി. വ്യക്തി ജീവിതത്തിലെ മതപരമായ കാഴ്ചപ്പാടാണ് താന് പ്രസംഗത്തില് ഉദ്ദേശിച്ചത്. ആരേയും വ്യക്തിപരമായോ കുടുംബപരമായോ വേദനിപ്പിക്കാന് ലക്ഷ്യമുണ്ടായിരുന്നില്ലെന്നും ഖേദപ്രകടനം. റിയാസിന്റേത് വിവാഹമല്ലെന്നും വ്യഭിചാരമാണെന്നായിരുന്നു അബ്ദുറഹ്മാന് കല്ലായിയുടെ അധിക്ഷേപ പരാമര്ശം. ഇന്നലെ നടന്ന വഖഫ് സംരക്ഷണ റാലിയിലായിരുന്നു സംഭവം. ഇത് വിവാദമായതോടെയാണ് ഖേദപ്രകടനവുമായി അബ്ദുറഹ്മാന് രംഗത്തെത്തിയത്
‘ മുന് ഡിവൈഎഫ്ഐ അഖിലേന്ത്യ പ്രസിഡന്റ് തന്റെ നാട്ടിലെ പുതിയാപ്ലയാണ്. ആരാടോ ഭാര്യ, ഇത് വിവാഹമാണോ, വ്യഭിചാരമാണ്. ഇതുപറയാന് തന്റേടവും ചങ്കൂറ്റവും വേണം. സി.എച്ച്.മുഹമ്മദ്കോയയുടെ നട്ടെല്ല് നാം പ്രകടിപ്പിക്കണം. പറയേണ്ട കാര്യം വെട്ടിത്തുറന്ന് പറയണം’. അബ്ദുറഹ്മാന് കല്ലായി പ്രസംഗത്തില് പറഞ്ഞു.
ആത്മീയതയാണ് മുസ്ലീം സമുദായത്തിന്റെ അടിസ്ഥാന പ്രമാണം. മുസ്ലീം മതരീതികള് മാത്രം ജീവതത്തില് പുലര്ത്തുന്നവരാണ് യഥാര്ത്ഥ മുസ്ലീങ്ങള്. ഇസ്ലാമിക രീതിയില് ജീവിക്കുന്നവരല്ല കമ്മ്യൂണിസ്റ്റുകാരെന്നും അബ്ദുറഹ്മാന് കല്ലായി ആരോപിച്ചിരുന്നു.
Comments