ബ്രിസ്ബെയിൻ: പരമ്പരാഗത വൈരികൾ കളിക്കളത്തിൽ പോരാടുന്നതിനിടെ രണ്ടു രാജ്യങ്ങളെ കോർത്തിണക്കിയ ഒരു പ്രണയാഭ്യർത്ഥനാ രംഗം കൗതുകമായി. ഇന്നലെ ഇംഗ്ലണ്ടിനെതിരെ ഓസ്ട്രേലിയയുടെ ആദ്യ ടെസ്റ്റ് മത്സരം നടക്കുന്നതിനിടെയാണ് സംഭവം. ഇംഗ്ലണ്ട് കളിയിൽ തോറ്റെങ്കിലും ഇംഗ്ലണ്ടുകാരനായ കാമുകൻ ജയിച്ചു. ഓസ്ട്രേലിയക്കാരി പെൺസുഹൃത്ത് മോതിരമണിഞ്ഞ് സ്വന്തമായി.
She said yes! How good! pic.twitter.com/Mc7erNaeYO
— 7Cricket (@7Cricket) December 10, 2021
ഇംഗ്ലണ്ടിൽ നിന്നുള്ള കായികപ്രേമി റോബ് നാലു വർഷം മുന്നേ കണ്ടെത്തി യതാണ് ഓസ്ട്രേലിയക്കാരിയായ പെൺസുഹൃത്തിനെ. രണ്ട് ദിവസമായി കളികാണാനെത്തുന്ന ഇംഗ്ലണ്ട് ആരാധകൻ മൂന്നാം ദിനം എത്തിയത് തയ്യാറെടുത്തായിരുന്നു.
കളിയുടെ ഇടവേളയിൽ ലോകംമുഴുവൻ സംപ്രേക്ഷണം ചെയ്യുന്ന ക്യാമാറാക്കണ്ണുകളെ തന്നിലേക്ക് ആകർഷിക്കാൻ റോബ് മറന്നില്ല. ഓസ്ട്രേലിയക്കാരി നാറ്റായുടെ അടുത്ത് ചെന്ന് പാശ്ചാത്യശൈലിയിൽ മുട്ടുകുത്തി നിന്നാണ് പ്രണയം തുറന്നുപറഞ്ഞത്. അമ്പരപ്പും സന്തോഷം മറച്ചുവയ്ക്കാത്ത പെൺ സുഹൃത്ത് ഏതായാലും തന്റെ കൈവിരൽ നീട്ടി മോതിരം അണിഞ്ഞു. ഇരുവരും കെട്ടിപിടിച്ചതോടെ കാണികൾ ആവേശകരമായ ക്ലൈമാക്സ് കണ്ട് കയ്യടിച്ച് പ്രോത്സാഹിപ്പിക്കുകയും അഭിനന്ദിക്കുകയും ചെയ്തു.
