ചെന്നൈ: തെന്നിന്ത്യയുടെ സ്വന്തം സൂപ്പർ സ്റ്റാർ സ്റ്റൈൽ മന്നൻ രജനികാന്തിന്റെ എഴുപത്തി ഒന്നാം പിറന്നാളാണ് ഇന്ന്.ലോകമെമ്പാടും ലക്ഷക്കണക്കിന് ആരാധകരുള്ള രജനികാന്തിന് നിരവധി പേരാണ് ആശംസകളുമായി എത്തിയത്. ഇന്ത്യൻ പ്രധാനമന്ത്രി നരേന്ദ്രമോദി മുതൽ കൊച്ചുകുട്ടികൾ വരെ പ്രിയ താരത്തിന് ആശംസകളുമായി രംഗത്തെത്തി.
ആ കൂട്ടത്തിൽ ക്രിക്കറ്റ് താരം ഹർബജൻ സിംഗ് നൽകിയ പിറന്നാൾ ആശംസ ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുകയാണ്.
രജനികാന്തിന്റെ ചിത്രം നെഞ്ചിൽ ടാറ്റൂ ചെയ്തു കൊണ്ടാണ് ഹർഭജൻ സിംഗ് പിറന്നാൾ ആശംസകൾ നേർന്നത്.
എന്റെ നെഞ്ചിൽ സൂപ്പർസ്റ്റാർ, നിങ്ങൾ തന്നെയാണ് 80കളുടെ ബില്ല, 90കളുടെ ബാഷ, 2കെയുടെ അണ്ണാത്തെ എന്ന് കുറിച്ചുകൊണ്ട് ടാറ്റൂവിന്റെ ചിത്രം താരം സമൂഹമാദ്ധ്യമങ്ങളിൽ പങ്കുവെച്ചിട്ടുണ്ട്.
നിരവധിപേരാണ് താരത്തിന്റെ വിത്യസ്ത പിറന്നാൾ ആശംസയക്ക് അഭിനന്ദനവുമായി രംഗത്തെത്തിയിരിക്കുന്നത്.തലൈവർ ഫാൻ ആണോയെന്ന് പലരും ഹർഭജനോട് ചോദിക്കുന്നുണ്ട്. ആരാധകനാണെന്ന് തെളിയിക്കാൻ ഇതിൽ കൂടുതൽ എന്ത് വേണമെന്നാണ് മറ്റു ചിലർ പറയുന്നത്.
