ചണ്ഡീഗഡ്: നിയമഭാ തെരഞ്ഞെടുപ്പ് അടുത്ത പഞ്ചാബിൽ ഭരണപക്ഷത്തുളള കോൺഗ്രസിന് കനത്ത തിരിച്ചടി നൽകി പട്യാലയിലെ 22 കോൺഗ്രസ് മുനിസിപ്പൽ കൗൺസിലർമാർ മുൻ പഞ്ചാബ് മുഖ്യമന്ത്രി ക്യാപ്റ്റൻ അമരീന്ദർ സിങ്ങിന്റെ പാർട്ടിയിൽ ചേർന്നു. നിയമസഭാ തെരഞ്ഞെടുപ്പിൽ പുതുതായി സ്ഥാപിച്ച പാർട്ടിയുമായാണ് അമരീന്ദർ സിങ് പോരാടുന്നത്. ക്യാപ്റ്റന്റെ തട്ടകമായ പട്യാലയിൽ നിന്നുളള 22 കോൺഗ്രസ് മുനിസിപ്പൽ കൗൺസിലർമാരുടെ സംഘം വെള്ളിയാഴ്ച അദ്ദേഹത്തിന്റെ പാർട്ടിയായ പഞ്ചാബ് ലോക് കോൺഗ്രസ് പാർട്ടിയിൽ ചേരുകയായിരുന്നു.
കൗൺസിലർമാരുടെ കൊഴിഞ്ഞുപോക്ക് കോൺഗ്രസിന് കനത്ത തിരിച്ചടിയായി. ഒരു കൂട്ടം മുതിർന്ന കോൺഗ്രസ് നേതാക്കളും പിഎൽസിയിൽ നേരത്തെ ചേർന്നിരുന്നു. അതിനിടെ നാല് കോൺഗ്രസ് നേതാക്കളും, അകാലിദളിൽ നിന്നുള്ള 6 നേതാക്കളും ക്യാപ്റ്റൻ അമരീന്ദർ സിങ്ങിന്റെ പാർട്ടിയിൽ ചേരാൻ സാധ്യതയുണ്ട്.
കഴിഞ്ഞ ഏതാനും ആഴ്ചകളായി, മുൻ മുഖ്യമന്ത്രിയുടെ വിശ്വസ്തരായ നിരവധി പേർ പിഎൽസിയിൽ ചേരുന്നതിനായി കോൺഗ്രസ് പാർട്ടിയിൽ നിന്ന് രാജിവച്ചിരുന്നു. കോൺഗ്രസിലെ ചേരിപ്പോര് ചൂണ്ടിക്കാട്ടി മുൻ കോൺഗ്രസ് വക്താവ് പ്രിൻസ് ഖുള്ളർ കഴിഞ്ഞയാഴ്ച അമരീന്ദർ സിങ്ങിന്റെ പാർട്ടിയിൽ ചേർന്നിരുന്നു. അതുപോലെ പഞ്ചാബ് യൂണിറ്റ് വക്താവ് പ്രിത്പാൽ സിംഗ് ബാലിയവാളും രാജി സമർപ്പിച്ചു.
അമരീന്ദർ സിങ്ങിന്റെ മകൾ ബിബ ജയ് ഇന്ദർ കൗറാണ് കൗൺസിലർമാരുടെ സ്ഥാനാരോഹണത്തിൽ അധ്യക്ഷത വഹിച്ചത്. പഞ്ചാബ് ലോക് കോൺഗ്രസ് ജില്ലാ പ്രസിഡന്റ് കെ.കെ.മൽഹോത്ര, കെ.കെ.ശർമ, വിശ്വാസ് സൈനി, അനിൽ മംഗ്ല, സോനു സംഗർ തുടങ്ങി മുതിർന്ന നേതാക്കൾ ചടങ്ങിൽ സന്നിഹിതരായിരുന്നു.
ജിന്നി നാഗ്പാൽ, അതുൽ ജോഷി, സരോജ് ശർമ്മ, ഷേരു പണ്ഡിറ്റ്, ലീലാ റാണി, സന്ദീപ് മൽഹോത്ര, സോണിയ കപൂർ, വർഷ കപൂർ, മോണിക ശർമ്മ, മായാ ദേവി, വിന്തി സംഗർ, ഗുരീന്ദർ കലിക, വിജയ് കുക, രജനി ശർമ്മ, സത്വന്ത് റാണി, കമലേഷ് കുമാരി, ജസ്പാൽ കൗർ, ദീപിക ഗുരാബ, പ്രൊമില മേത്ത, ജർണയിൽ സിംഗ്, സുനിത ഗുപ്ത, ഹാപ്പി വർമ.
കരൺ ഗൗർ, മണി ഗാർഗ്, ബിട്ടു ജലോട്ട, കിരൺ മക്കർ, കിരൺ ഖന്ന, രൺബീർ കട്ടി, അനിൽ കുമാർ ബിട്ടു, മിന്റു വർമ, ശംഭു, മനീഷ് പുരി, ഹർദേവ് ബാലി, റാണ സുരീന്ദർപാൽ സിംഗ്, സൂരജ് ഭാട്ടിയ, ടോണി ബിന്ദ്ര, സുരീന്ദർജിത് എന്നിവരും ഇന്ന് ചേർന്നു. സിംഗ് റൂബി, നരീന്ദർ സെഹ്ഗൽ, സഞ്ജയ് ശർമ്മ, രജീന്ദർപാൽ, ഹരീഷ് കപൂർ, മിക്കി കപൂർ, ഹാപ്പി ശർമ്മ, നാഥു റാം, രൂപ് കുമാർ, ബണ്ടി സെഹ്ഗൽ, സണ്ണി ഗുരാബ, ഹർചരൺ സിംഗ് , സത്പാൽ മേത്ത എന്നിവരാണ് കോൺഗ്രസ് വിട്ട കൗൺസിലർമാർ.
