അഡ്ലെയ്ഡ്: ആഷസ് രണ്ടാം ടെസ്റ്റിൽ ഓസീസ് ശക്തമായ നിലയിൽ. ആദ്യ ഇന്നിംഗ്സ് 473ന് 9 എന്ന നിലയിൽ ഡിക്ലയർ ചെയ്തു. മറുപടി ബാറ്റിംഗിൽ ഇംഗ്ലണ്ട് രണ്ട് വിക്കറ്റ് നഷ്ടത്തിൽ 140 എന്ന നിലയിലാണ്. മുൻനിര 12 റൺസിൽ വീണശേഷമാണ് ഇംഗ്ലണ്ട് മത്സരത്തിലേക്ക് തിരികെ വന്നത്.
ഹസീബ് ഹമീദ് 6 റൺസിന് നേസറിന്റെ പന്തിലും റോറി ബേൺസ് 4 റൺസിൽ സ്റ്റാർക്കിന്റെ പന്തിലുമാണ് പുറത്തായത്. അർദ്ധ സെഞ്ച്വറികളോടെ ഡേവിഡ് മലാനും(68), ക്യാപ്റ്റൻ ജോ റൂട്ടും(57) ക്രീസിലുണ്ട്.
ഇന്നലെ ലബുഷെയിൻ 103 ന് പുറത്തായ ശേഷം നിലയുറപ്പിച്ച സ്മിത്ത് 93 അലെക്സ് ക്യാരി 51 എന്നിവരാണ് സ്കോർ നാനൂറ് കടത്തിയത്. വാലറ്റത്ത് ഇംഗ്ലീഷ് ബൗളിംഗിനെ സധൈര്യം നേരിട്ട് മിച്ചൽ സ്റ്റാർക് പുറത്താകാതെ നേടിയ 39 റൺസും മൈക്കിൾ നസേർ 35 എന്നിവർ ചേർന്ന് സ്കോർ 473 വേക്ക് എത്തിച്ചു.
ഇംഗ്ലണ്ടിനായി ബെൻ സ്റ്റോക്സ് 3 വിക്കറ്റും ആൻഡേഴ്സൺ 2 വിക്കറ്റും വീഴ്ത്തി. പന്തെറിഞ്ഞ ബ്രോഡ്, വോക്സ്, ഒലി റോബിൻസൺ, ജോ റൂട്ട് എന്നിവരും ഓരോ വിക്കറ്റും വീഴ്ത്തി.
