ന്യൂഡൽഹി: ലോകത്തിലാകെ മൂവായിരത്തിലധികം വ്യത്യസ്ത പാമ്പുകളുണ്ടെന്നാണ് പഠനങ്ങൾ പറയുന്നത്. ഇതിൽ വെച്ച് ഏറ്റവും വിഷമുള്ളതും അപകടകാരിയുമായ പാമ്പുകളിലൊന്നാണ് മൂർഖൻ. മൂർഖന്മാർ ഒത്തുകൂടിയാൽ എന്താകും സംഭവിക്കുക. തമാശ പറഞ്ഞിരിക്കാൻ സാധ്യതയില്ലെന്ന് നമുക്കറിയാം. ഇത്തരത്തിലൊരു സന്ദർഭമാണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.
മൂന്ന് മൂർഖന്മാരാണ് വീഡിയോയിലെ താരങ്ങൾ. മൂവരും അടുപ്പിന് കല്ലുകൾ കൂട്ടിവെച്ച പോലെ നിൽക്കുകയാണ്. മുഖാമുഖം മൂന്ന് മൂർക്കന്മാർ. മൂവർക്കും ഏകദേശം ഒരേ വലിപ്പവും പ്രായവും തോന്നിക്കും. എങ്കിൽ പിന്നെ ശൗര്യത്തിന്റെ കാര്യത്തിലും വ്യത്യാസമൊന്നും കാണുകയില്ലല്ലോ..
രണ്ട് മൂർഖൻമാരാണ് പരസ്പരം ചീറ്റിക്കൊണ്ട് നിൽക്കുന്നത്. മൂന്നാമൻ ഇവരെ വിലയിരുത്താൻ നിൽക്കുന്ന മട്ടിലാണ്. പരസ്പരം ചീറ്റുന്ന മൂർക്കന്മാർക്കിടയിൽ ആരെടാ എന്ന് ചോദിക്കുന്നതും ഞാനെടാ എന്ന് മറുപടി പറയുന്നതും ആ ചീറ്റലിലൂടെ വ്യക്തം.
വെറും 13 സെക്കൻഡ് ദൈർഘ്യമുള്ള വീഡിയോയുടെ താഴെ നിരവധിയാളുകളാണ് പ്രതികരണവുമായെത്തുന്നത്. നാല് ദിവസത്തിനുള്ളിൽ പതിനായിരത്തോളം ലൈക്കുകളും വീഡിയോ ഇൻസ്റ്റഗ്രാമിൽ നേടിക്കഴിഞ്ഞു.
