ഷാർജ : പുതിയ വാരാന്ത്യ അവധി പ്രാബല്യത്തിൽ വരുന്ന പശ്ചാത്തലത്തിൽ സ്‌കൂളുകളുടെ പഠന സമയം വർദ്ധിപ്പിക്കാൻ നിർദ്ദേശവുമായി വിദ്യഭ്യാസ വകുപ്പ്. മൂന്ന് നിർദ്ദേശങ്ങളാണ് പ്രധാനമായും വിദ്യാഭ്യാസ വകുപ്പ് മുന്നോട്ടുവെച്ചിരിക്കുന്നത്. പുതിയ മൂന്ന് ദിവസത്തെ വാരാന്ത്യ അവധി 2022 മുതൽ നിലവിൽ വരും.
സ്വകാര്യ സ്‌കൂളുകൾക്ക് പഠന സമയത്തിന്റെ ദൈർഘ്യം കൂട്ടാനും പഠന ഷെഡ്യൂളുകളും ക്ലാസ് ദൈർഘ്യവും അവർക്ക് അനുയോജ്യമെന്ന് തോന്നുന്ന രീതിയിൽ പരിഷ്‌കരിക്കാവുന്നതുമാണെന്ന് അധികൃതർ വ്യക്തമാക്കി. ഓരോ വിഷയത്തിനും ക്ലാസുകളുടെ എണ്ണം കുറക്കാൻ പാടില്ല.
സ്‌കൂളുകൾക്ക് ആഴ്ചയിൽ പരമാവധി മൂന്നു മണിക്കൂർ ഇത്തരത്തിൽ ഇ-ക്ലാസുകൾ നടത്താം.
സ്‌കൂളുകൾക്ക് അധ്യയന വർഷത്തിലേക്ക് പരമാവധി ഏഴു ദിവസം അധികമായി ചേർക്കാം.അനുവദിച്ചിരിക്കുന്ന ഫ്‌ലെക്സിബിൾ അവധിയിൽനിന്നോ വേനൽക്കാല അവധി ആരംഭിക്കുന്നതിന് മുമ്പായി സ്‌കൂൾ വർഷം ഒരു അധിക ആഴ്ച കൂടി നീട്ടിക്കൊണ്ടും നഷ്ടം നികത്താമെന്ന് അധികൃതർ വ്യക്തമാക്കി.
