ക്രിസ്പി ചിക്കൻ കഴിക്കാൻ ആഗ്രഹമുണ്ടായാൽ ആദ്യം ഉയർന്നു വരുന്ന പേരാണ് കെ എഫ് സി . എന്നാൽ യുകെയിലെ കെ എഫ് സിയിൽ നിന്ന് ക്രിസ്പി ചിക്കൻ വാങ്ങിയ സ്ത്രീയ്ക്ക് ലഭിച്ചത് നല്ല മൊരിഞ്ഞ ചിക്കൻ പീസ് മാത്രമായിരുന്നില്ല , അതിനൊപ്പം കോഴിയുടെ തലയും ഉണ്ടായിരുന്നു . ഗബ്രിയേൽ ട്വിക്കൻഹാമിലെ ഒരു കെഎഫ്സി ഔട്ട്ലെറ്റിൽ നിന്നാണ് യുവതി ചിക്കൻ വിംഗ്സ് മീൽ വാങ്ങിയത് .
എന്നാൽ വീട്ടിലെത്തി പായ്ക്കറ്റ് തുറന്നപ്പോഴാണ് , തനിക്ക് കിട്ടിയത് ചിക്കൻ വിംഗ്സിനു പകരം ചിക്കൻ തലയാണെന്ന് മനസിലായത് . തുടർന്ന് ഇതിന്റെ ചിത്രവും ഒപ്പം ഒരു കുറിപ്പും അവർ സോഷ്യൽ മീഡിയയിൽ പോസ്റ്റ് ചെയ്തു. ബാക്കിയുള്ള ചിക്കൻ പീസുകളും അവർ കളഞ്ഞതായി കുറിപ്പിൽ പറയുന്നു .നൂറുകണക്കിന് കമന്റുകളാണ് പോസ്റ്റിന് ലഭിച്ചത്.
അതേ സമയം ഇത് എങ്ങനെ സംഭവിച്ചുവെന്ന് അന്വേഷിക്കുകയാണെന്നാണ് കെ എഫ് സി അധികൃതർ പറയുന്നത് . തങ്ങൾ യഥാർത്ഥ ചിക്കൻ വിഭവങ്ങളാണ് വിളമ്പുന്നത് . അതിൽ ഞങ്ങൾ അഭിമാനിക്കുന്നു . ഞങ്ങളുടെ റെസ്റ്റോറന്റുകളിൽ എല്ലാം പുതുതായി തയ്യാറാക്കുന്നതാണ് . ഞങ്ങളുടെ വിതരണക്കാർ, പങ്കാളികൾ, ടീമുകൾ എന്നിവരും കർശനമായി പരിശോധിക്കാറുണ്ടെന്നും അവർ കുറിച്ചു. ഏറ്റവും മികച്ച പദ്ധതികൾ പോലും അപൂർവ സന്ദർഭങ്ങളിൽ തെറ്റായി പോകുമെന്നത് ശരിയാണെന്നാണ് കെ എഫ് സി കുറിക്കുന്നത് , ഒപ്പം പരാതിക്കാരിയായ യുവതിയെ ഭക്ഷണം എങ്ങനെ തയ്യാറാക്കുന്നതെന്ന് കാണാൻ ക്ഷണിച്ചിട്ടുണ്ടെന്നും കെഎഫ്സി പറഞ്ഞു.
