കൊച്ചി: പ്രിയ വേണുഗോപാലിന്റെ പിറന്നാൾ പാട്ട് ശ്രദ്ധനേടുന്നു. സന്തോഷ പിറന്നാൾ ആഘോഷ പിറന്നാൾ, അമ്പോറ്റിക്കുട്ടിയ്ക്ക് നാൾപ്പിറന്നാൾ എന്ന് തുടങ്ങുന്ന പാട്ടാണ് ആസ്വാദകരുടെ മനംകവർക്കുന്നത്. ‘ഹാപ്പി ബർത്ത് ഡേ ടൂ യൂന്ന്’ പാടിയല്ലാതെ പിറന്നാളാഘോഷിക്കാൻ നമുക്കറിയില്ല. എന്നാൽ ഈ ശൈലി ഒന്ന് മാറ്റിപ്പിടിക്കാൻ പറയുകയാണ് പ്രിയ വേണുഗോപാൽ.
‘നമ്മുടെ പിറന്നാളാഘോഷങ്ങൾക്ക് ഇനി അമ്മമലയാളത്തിൽ പാട്ടുപാടാം, ആശംസയേകാം. നമ്മുടെ നാടിന്റെ സംസ്‌കാരവും ആചാരങ്ങളും വിശ്വാസങ്ങളും മുറുകെപ്പിടിച്ചുകൊണ്ട് വരുംതലമുറയ്‌ക്ക് വെളിച്ചമേകാം. നന്മയുടെ പ്രകാശം ഊതിക്കെടുത്താതെ, കൂടുതൽ പേരിലേക്ക് പങ്കുവച്ച് മുന്നേറട്ടെ നമ്മുടെ കുഞ്ഞുങ്ങൾ’ എന്ന അടിക്കുറിപ്പോടെയാണ് പിറന്നാൾ പാട്ട് പ്രിയ വേണുഗോപാൽ പങ്കുവെച്ചിരിക്കുന്നത്.
