മുംബൈ: അരുമ മൃഗങ്ങളുടെ രസകരമായ വീഡിയോകൾ പലരും സമൂഹമാദ്ധ്യമങ്ങളിൽ പങ്കുവെയ്ക്കുക പതിവാണ്. ഇത്തരം വീഡിയോയിലെ വളർത്തുമൃഗങ്ങളുടെ ചെറിയ ചെറിയ കുസൃതികളും, വിവിധ പ്രവൃത്തികളും കാണാൻ തന്നെ ഒരു പ്രത്യേക ഭംഗിയാണ്. ഇത്തരത്തിലൊരു വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ വൈറലായിരിക്കുന്നത്. ഒരു കുഞ്ഞുനായികുട്ടി ക്യാരറ്റ് കഴിക്കുന്നതാണ് വീഡിയോയിലുള്ളത്.
ബോളിവുഡ് നടൻ റാം കപൂറാണ് തന്റെ ഓമന മൃഗത്തിന്റെ ദൃശ്യങ്ങൾ ഇസ്റ്റാഗ്രമിലൂടെ പങ്കുവെച്ചത്. ഏവർക്കും ക്രിസ്മസ് ആശംസകൾ എന്ന തലക്കെട്ടോടെയാണ് വീഡിയോ പോസ്റ്റ് ചെയ്തത്. ക്രിസ്മസ് ആഘോഷത്തിന്റെ ഭാഗമായി തന്റെ നായ്കുട്ടിക്ക് ഒരു കുഞ്ഞ് തോപ്പി അദ്ദേഹം വെച്ചുകൊടുത്തിട്ടുണ്ട്. ഈ തോപ്പിയും ധരിച്ച് പുതപ്പിനുള്ളിൽ ഇരുന്ന് നായ്കുട്ടി ക്യാരറ്റ് കഴിക്കുന്നതാണ് വീഡിയോ.
https://www.instagram.com/p/CX5goQmlicz/
നായ്കുട്ടി ഇരിക്കുന്നതിന്റെ പിന്നിലായി ക്രിസ്മസ് ആഘോഷങ്ങളുടെ ഭാഗമായി ഒരുക്കിയ ക്രിസ്മസ് ട്രീയും കാണാൻ സാധിക്കും. കലമാന്റെ ചെവിയുടെ രൂപത്തിലുള്ള തോപ്പിയാണ് റാം കപൂർ തന്റെ നായയെ ധരിപ്പിച്ചിരിക്കുന്നത്. അദ്ദേഹം വീഡിയോ എടുക്കുന്നത് കണ്ടിട്ടും ഒരു കൂസലുമില്ലാതെ നായകുട്ടി ക്യാരറ്റ് ആസ്വദിച്ച് കഴിക്കുന്നത് ദൃശ്യങ്ങളിൽ കാണാം.
വീഡിയോ പോസ്റ്റ് ചെയ്ത് ഏതാനും നിമിഷങ്ങൾക്കുള്ളിൽ തന്നെ 62,000 ആളുകളാണ് ഇത് കണ്ടത്. നായ്കുട്ടിയുടെ മുഖം കാണാൻ സുന്ദരമാണെന്നും, നിഷ്കളങ്കമായ നോട്ടമാണെന്നും അനേകം ആളുകൾ അഭിപ്രായപ്പെട്ടു.
