തിരുവനന്തപുരം: എസ്എസ്എൽസി, പ്ലസ് ടു, വിഎച്ച്എസ്ഇ ഫൈനൽ പരീക്ഷാ തീയതി ഇന്ന് പ്രഖ്യാപിക്കും. ഇന്ന് രാവിലെ നടക്കുന്ന വാർത്താസമ്മേളനത്തിൽ സംസ്ഥാന വിദ്യാഭ്യാസ മന്ത്രി വി ശിവൻകുട്ടിയാണ് തീയതി പ്രഖ്യാപിക്കുന്നത്. കുറ്റമറ്റരീതിയിലാണ് കുട്ടികൾക്ക് ക്ലാസുകൾ നടന്നതെന്ന് മന്ത്രി അറിയിച്ചിരുന്നു.
അതേസമയം, എസ്എസ്എൽസി പരീക്ഷകൾക്ക് പാഠഭാഗങ്ങളുടെ എത്രഭാഗം ഉൾപ്പെടുത്തണമെന്നതിൽ ഉടൻ തീരുമാനമെടുത്തേക്കും. കഴിഞ്ഞ തവണത്തെ പരീക്ഷയ്ക്ക് 40 ശതമാനം പാഠഭാഗങ്ങളാണ് ഉൾപ്പെടുത്തിയിരുന്നത്. എന്നാൽ ഇത്തവണ 60 ശതമാനം പാഠഭാഗം ഉൾക്കൊള്ളിക്കണമെന്ന തീരുമാനം പരിഗണനയിലുള്ളതായി വിദ്യാഭ്യാസ വകുപ്പ് അറിയിച്ചിരുന്നു.
കഴിഞ്ഞ വർഷം പരീക്ഷ നടത്തുന്നതിനെ കുറിച്ച് വലിയ വിമർശനങ്ങൾ ഉയർന്നിരുന്നു. എന്നാൽ പരീക്ഷ നടന്നത് കൊണ്ട് കുട്ടികൾക്ക് ഗുണം മാത്രമാണ് ഉണ്ടായതെന്നും മന്ത്രി കൂട്ടിച്ചേർത്തു.
Comments