മലയാളികളുടെ ആദ്യത്തെ സൂപ്പർ ഹീറോയാണ് മിന്നൽ മുരളി. ബേസിൽ ജോസഫ് സംവിധാനം ചെയ്ത് ടൊവിനോ തോമസ് നായകനായെത്തുന്ന ചിത്രം ജനഹൃദയം പിടിച്ചെടുത്തിരിക്കുകയാണ്. റോഡിലും മതിലുകളിലും എന്ന് വേണ്ട സ്‌പൈഡർമാൻ അയൺമാൻ ഡ്രസുകൾ പോലെ മിന്നൽ മുരളിയുടെ കോസ്റ്റ്യൂമുകളും വിപണിയിൽ എത്തിക്കഴിഞ്ഞു. അപ്രതീക്ഷിതമായി ശരീരത്തിൽ മിന്നലേറ്റ് അമാനുഷിക ശക്തി ലഭിക്കുന്ന രണ്ട് പേരുടെ കഥയാണ് ചിത്രം പറയുന്നത്.
സിനിമാ വിശേഷങ്ങൾ സമൂഹമാദ്ധ്യമങ്ങളിൽ ചർച്ചയാകുമ്പോൾ വർക്കൗട്ടിന്റെ തിരക്കിലാണ് നായകൻ ടൊവിനോ. പുഷപ്പ് എടുത്ത് വായുവിൽ പൊങ്ങിപ്പറക്കുന്ന വീഡിയോയാണ് താരം പങ്കുവെച്ചിരിക്കുന്നത്. ‘ഫ്‌ലൈയിംഗ് ലെസൺസ് 101, അടുത്ത ദൗത്യത്തിന് വേണ്ടിയുള്ള മുരളിയുടെ പുതിയ നീക്കങ്ങൾ’ എന്ന ക്യാപ്ഷനോടെയാണ് വീഡിയോ.
ചിത്രത്തിന്റെ രണ്ടാം ഭാഗം വരുന്നുവെന്നതിന്റെ സൂചന നൽകിയാണ് താരം ഈ വീഡിയോ പങ്കുവച്ചിരിക്കുന്നത്. ഇത് പുറത്തിറങ്ങിയതോടെ അമ്പരന്നിരിക്കുകയാണ് ആരാധകരും. സിനിമയിലെ കഥാപാത്രത്തെപോലെ ടൊവിനോയ്‌ക്ക് ശരിക്കും മിന്നലടിച്ചോ എന്നാണ് ആരാധകർ ചോദിക്കുന്നത്. ചിത്രത്തിലെ സൂപ്പർ ഹീറോയ്‌ക്ക് പറക്കാൻ സാധിക്കില്ലെന്ന് പറയുന്നുണ്ട്. എന്നാൽ പറക്കാൻ പറ്റില്ലെന്ന് ആരാ പറഞ്ഞത് എന്ന ചോദ്യങ്ങളാണ് ഉയരുന്നത്. ടൊവിനോ ശരിക്കും സൂപ്പർ ഹീറോയാണെന്ന് തോന്നുന്നു എന്ന പ്രതികരണങ്ങളും വീഡിയോയ്‌ക്ക് ലഭിക്കുന്നുണ്ട്.
https://www.facebook.com/ActorTovinoThomas/videos/3006733112976012/
Comments