ന്യൂഡല്ഹി:ഡിഫന്സ് റിസര്ച്ച് ആന്ഡ് ഡവലപ്മെന്റ് ഓര്ഗനൈസേഷന്റെ ബാംഗ്ലൂര് മൈക്രോ വേവ് ട്യൂബ് റിസര്ച്ച് സെന്ററിലേക്കാണ് (MTRDC)ജൂനിയര് റിസര്ച്ച് ഫെലോകളെ തേടുന്നത്. തിരഞ്ഞെടുക്കപ്പെടുന്നവര്ക്ക് രണ്ടുവര്ഷത്തെക്കാണ് ജൂനിയര് ഫെലോഷിപ്പ് നിയമനം നല്കുക. എങ്കിലും മികച്ചപ്രകടനം കാഴ്ചവയ്ക്കുന്നതിന്റെയും പ്രോജക്ട് ലഭ്യതയുടെയും അടിസ്ഥാനത്തില് കാലവയളവ് ദീര്ഘിപ്പിക്കും. തെരഞ്ഞെടുക്കപ്പെടുന്നവര്ക്ക് ഡിആര്ഡിഒ റൂള് പ്രകാരം 31,000 രൂപ സ്റ്റൈപ്പന്ഡും വീട്ട് വാടകയും നല്കും.
മെറ്റീരിയല് സയന്സ്, അള്ട്രാഹൈ വാക്വം, ഫിസിക്കല് ഇലക്ട്രോണിക്സ്, മൈക്രോവേവ് എഞ്ചിനീയറിംഗ്, ഇലക്ട്രോ മാഗ്നറ്റിക്സ്, പാര്ട്ടിക്കിള്-ഇന്-സെല്, കമ്പ്യൂട്ടര് എയ്ഡഡ്ഡിസൈന് എന്നീ മള്ട്ടി ഡിസിപ്ലിനറി മേഖലകള് ഉള്ക്കൊള്ളുന്ന വാക്വം ഇലക്ട്രോണിക് ഉപകരണങ്ങളുടെ മേഖലയില് ഗവേഷണം നടത്താന് ആഗ്രഹിക്കുന്ന ഇന്ത്യന് പൗരന്മാര്ക്ക് ഡിആര്ഡിഒ റിസര്ച്ച് ഫെലോഷിപ്പിന് അപേക്ഷിക്കാം.
മൈക്രോവേവ് സയന്സില് എംഎസ്സി, നെറ്റ് യോഗ്യതയോടെ ഒന്നാം ഡിവിഷനോടുകൂടിയ ഇലക്ട്രോണിക്സ്, മൈക്രോവേവ് എഞ്ചിനീയറിംഗില് ബിഇ അല്ലെങ്കില് ബിടെക് ബിരുദം, നെറ്റ് അല്ലെങ്കില് ഗേറ്റ്സ്കോറിനൊപ്പം ഒന്നാം ഡിവിഷനോടുകൂടിയ ഇലക്ട്രോണിക്സ് എഞ്ചിനീയറിംഗില് ബിഇ അല്ലെങ്കില് ബിടെക് ബിരുദം, അല്ലെങ്കില് മൈക്രോവേവ് എഞ്ചിനീയറിംഗിലോ ഇലക്ട്രോണിക്സ് എഞ്ചിനീയറിംഗിലോ എംഇ അല്ലെങ്കില് എംടെക് ബിരുദം.
നെറ്റ് അല്ലെങ്കില് ഗേറ്റ് സ്കോറിനൊപ്പം മെക്കാനിക്കല് എഞ്ചിനീയറിംഗില് ബിഇ അല്ലെങ്കില് ബിടെക് ബിരുദം, അല്ലെങ്കില് ബിരുദതലത്തിലും ബിരുദാനന്തര തലത്തിലും ഒന്നാം ഡിവിഷനോടെ മെക്കാനിക്കല് എഞ്ചിനീയറിംഗില് എംഇ അല്ലെങ്കില് എംടെക് ബിരുദം.
പ്രായപരിധി 28 വയസ്സ്. എന്നിരുന്നാലും, എസ്സി, എസ്ടി പിഎച്ച് ഉദ്യോഗാര്ത്ഥികള്ക്ക് അഞ്ച് വര്ഷവും ഒബിസി ഉദ്യോഗാര്ത്ഥികള്ക്ക് മൂന്ന് വര്ഷവും പ്രായപരിധിയില് ഇളവുണ്ട്.
ഉദ്യോഗാര്ത്ഥികള് 2022 ജനുവരി 10, 11 തീയതികളില് സെന്റര് ഫോര് ലേണിംഗ് ആന്ഡ് ഡെവലപ്മെന്റ് (CLD) ഭാരത് ഇലക്ട്രോണിക്സ് ലിമിറ്റഡ്, ജാലഹള്ളി പോസ്റ്റ്, ബാംഗ്ലൂര് 13, BEL സര്ക്കിള് ബസ് സ്റ്റോപ്പിന് സമീപം നടത്തുന്ന വാക്ക്-ഇന്-ഇന്റര്വ്യൂവിന് ഹാജരാകണം.
