ന്യൂഡൽഹി: ഡൽഹി മുഖ്യമന്ത്രിയും എഎപി നേതാവുമായ അരവിന്ദ് കെജ്രിവാളിന് കൊറോണ സ്ഥിരീകരിച്ചു. ട്വിറ്ററിലൂടെ ചൊവ്വാഴ്ച രാവിലെയാണ് അദ്ദേഹം രോഗവിവരം അറിയിച്ചത്. നിലവിൽ ക്വാറന്റൈനിലാണെന്നും വീട്ടിൽ കഴിയുകയാണെന്നും കെജ്രിവാൾ വ്യക്തമാക്കി.
I have tested positive for Covid. Mild symptoms. Have isolated myself at home. Those who came in touch wid me in last few days, kindly isolate urself and get urself tested
— Arvind Kejriwal (@ArvindKejriwal) January 4, 2022
നിയമസഭ തിരഞ്ഞെടുപ്പിന്റെ പശ്ചാത്തലത്തിൽ ഗോവ, പഞ്ചാബ് തുടങ്ങി വിവിധ സംസ്ഥാനങ്ങളിലേക്ക് അദ്ദേഹം പ്രചാരണങ്ങൾക്കായി പോയിരുന്നു. നിരന്തരമായി യാത്രകൾ നടത്തുകയും ആളുകളുമായി സമ്പർക്കം പുലർത്തുകയും ചെയ്തതിന് പിന്നാലെയാണ് എഎപി നേതാവിന് കൊറോണ സ്ഥിരീകരിച്ചത്. കഴിഞ്ഞ വർഷം ഏപ്രിലിൽ കെജ്രിവാളിന്റെ ഭാര്യ സുനിതയ്ക്ക് രോഗം റിപ്പോർട്ട് ചെയ്തിരുന്നു. തുടർന്ന് അദ്ദേഹം ക്വാറന്റൈനിലായിരുന്നു.
ഡൽഹിയിൽ കൊറോണ രോഗികളിൽ വൻ വർദ്ധനവാണ് കഴിഞ്ഞ ഏതാനും ദിവസങ്ങളായി റിപ്പോർട്ട് ചെയ്യുന്നത്. രാജ്യതലസ്ഥാനത്ത് ഡെൽറ്റയെ മറികടന്ന് ഒമിക്രോൺ പിടിമുറുക്കിയെന്ന വാർത്തകളും പുറത്തുവന്നിരുന്നു. നിലവിൽ യെല്ലോ അലർട്ടിലാണ് സംസ്ഥാനം.
