കൊല്ലം : പീഡിപ്പിക്കാൻ ശ്രമിച്ച 38 കാരനെതിരെ കറിക്കത്തി വീശി വയോധിക . ഓയൂർ ഇളമാടാണ് സംഭവം . 61-കാരിയെ പീഡിപ്പിക്കാന് ശ്രമിച്ച ചെങ്കൂര് പ്ലാങ്കുഴി വടക്കതില്വീട്ടില് സജു (കടുക്-38) വിനെ പൂയപ്പള്ളി പോലീസ് അറസ്റ്റ് ചെയ്തു.
കഴിഞ്ഞദിവസം രാവിലെ 10.30-നായിരുന്നു സംഭവം. വീട്ടില് ഒറ്റയ്ക്കായിരുന്ന വയോധിക അടുക്കളയിൽ ജോലി ചെയ്യുന്നതിനിടയ്ക്കാണ് അതിക്രമിച്ച് വീടിനുള്ളിൽ അകയറിയ പ്രതി ഇവരെ പീഡിപ്പിക്കാന് ശ്രമിച്ചത് .
മല്പ്പിടിത്തത്തിനിടെ വയോധിക കറിക്കത്തി കൈക്കലാക്കി. തുടർന്ന് കത്തി ഉപയോഗിച്ച് ഇയാളെ ആക്രമിക്കാന് ശ്രമിച്ചതോടെ ഇയാള് പിന്വാങ്ങുകയായിരുന്നു . പിന്നീട് ടാപ്പിങ് ജോലിയിലായിരുന്ന സഹോദരനെ വിവരമറിയിച്ച് സമീപ പ്രദേശത്ത് തിരച്ചില് നടത്തിയെങ്കിലും സജുവിനെ കണ്ടെത്താനായില്ല.
തുടര്ന്ന് പൂയപ്പള്ളി പോലീസില് വയോധിക പരാതി നല്കി. തുടർന്ന് നടത്തിയ അന്വേഷണത്തിനൊടുവിൽ പോലീസ് സംഘം സജുവിനെ അറസ്റ്റ് ചെയ്യുകയായിരുന്നു. കോടതിയില് ഹാജരാക്കിയ ഇയാളെ റിമാന്ഡ് ചെയ്തു.
