ന്യൂഡൽഹി: ചെങ്കോട്ടയ്ക്ക് സമീപം ഡൽഹിയിൽ വൻ തീപ്പിടിത്തം. ഡൽഹിയിലെ ചാന്ദ്നി ചൗക്കിലുള്ള മാർക്കറ്റിൽ ഇന്ന് പുലർച്ചെയാണ് തീപ്പിടിത്തമുണ്ടായത്.
ലജ്പത്ത് റായ് മാർക്കറ്റിലായിരുന്നു അപകടം. മാർക്കറ്റിന് എതിർവശമാണ് ചെങ്കോട്ട സ്ഥിതി ചെയ്യുന്നത്. സംഭവത്തിൽ ഇതുവരെ ആളപായം റിപ്പോർട്ട് ചെയ്തിട്ടില്ല. അഗ്നിശമന സേനയുടെ 13 യൂണിറ്റുകളെത്തി തീ നിയന്ത്രണ വിധേയമാക്കിയിട്ടുണ്ട്. വ്യാഴാഴ്ച പുലർച്ചെ ഏകദേശം 4.50ഓടെയാണ് അപകടമുണ്ടായത്.
തീപ്പിടിത്തത്തിന്റെ കാരണം ഇതുവരെ വ്യക്തമായിട്ടില്ല. സംഭവത്തിൽ അന്വേഷണം പുരോഗമിക്കുകയാണെന്ന് പോലീസ് അറിയിച്ചു.
