ചെന്നൈ: ആയിരത്തിലധികം ജീവനുള്ള നക്ഷത്ര ആമകളെ പിടികൂടി ചെന്നൈ എയർ കാർഗോ കസ്റ്റംസ്. ബുധനാഴ്ചയാണ് സംഭവം. മലേഷ്യയിലേക്ക് കടത്താൻ ശ്രമിച്ച ആമകളെയാണ് കസ്റ്റംസ് പിടികൂടിയത്.
വിവിധ പെട്ടികളിലായി നിറച്ച 1,364 നക്ഷത്ര ആമകളെ പരിശോധനയ്ക്കിടെ പിടികൂടുകയായിരുന്നു. എയർ കാർഗോ കോംപ്ലക്സിലാണ് ഇവയെ സൂക്ഷിച്ചിരുന്നത്. 13 പെട്ടികളിൽ ഞണ്ടുകളാണെന്നായിരുന്നു വിശദീകരണം. എന്നാൽ സംശയം തോന്നിയതിനെ തുടർന്ന് പരിശോധന നടത്തിയപ്പോഴാണ് ഏഴ് പെട്ടികളിൽ നക്ഷത്ര ആമകളെ കണ്ടെത്തിയത്.
Tamil Nadu | Chennai Air Cargo Customs has seized 1,364 live Indian Star Tortoises from an export consignment to Malaysia. The star tortoises have been handed over to State Forest Department for rehabilitation, Customs said pic.twitter.com/7uRZwB2vvp
— ANI (@ANI) January 5, 2022
വംശനാശ ഭീഷണി നേരിടുന്ന മൃഗങ്ങളുടെ പട്ടികയിലാണ് നക്ഷത്ര ആമകൾ ഉൾപ്പെടുന്നത്. 1972ലെ വന്യജീവി സംരക്ഷണ നിയമവും സിഐടിഇഎസ് നിയമവും അനുസരിച്ച് നക്ഷത്ര ആമകളുടെ കടത്ത് നിരോധിച്ചിട്ടുള്ളതാണ്. പിടിച്ചെടുത്ത ആമകളെ തമിഴ്നാട് വനംവകുപ്പിന് കൈമാറി.
