കൊച്ചി : പെരുമ്പാവൂരിൽ ഉഗ്ര സ്ഫോടനം. വെങ്ങോലയിലാണ് സംഭവം. പ്രദേശത്തെ അടച്ചിട്ട വീട്ടുവളപ്പിലാണ് സ്ഫോടനം നടന്നത്. വൈകിട്ട് 7 മണിയോടെയായിരുന്നു സംഭവം.
പരിസരത്ത് മാലിന്യങ്ങൾ കൂട്ടിയിട്ട് കത്തിച്ചപ്പോഴാണ് സ്ഫോടനമുണ്ടായത്. അപകടത്തിൽ വീടിന്റെ ജനലുകളും ഭിത്തിയും മതിലും പൂർണമായും തകർന്നു. നാല് വീടുകളുടെ മതിലുകൾ തകർന്നിട്ടുണ്ട്.
ആർക്കും പരിക്കില്ലെന്നാണ് പ്രാഥമിക നിഗമനം. എന്നാൽ സ്ഫോടനത്തിന്റെ കാരണം ഇതുവരെ വ്യക്തമായിട്ടില്ല. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.
