ന്യൂഡൽഹി : ഹിന്ദു പ്രചാരകരെ വീണ്ടും അപമാനിച്ച് കോൺഗ്രസ് നേതാവ് രാഹുൽ ഗാന്ധി. ഹിന്ദുത്വ ആശയങ്ങളുടെ പ്രചാരകർ ഭീരുക്കളാണെന്ന് രാഹുൽ ഗാന്ധി പറഞ്ഞു. ട്വിറ്ററിലൂടെയായിരുന്നു കോൺഗ്രസ് നേതാവിന്റെ പ്രതികരണം.
സമൂഹമാദ്ധ്യമങ്ങളിലൂടെ പ്രചാരകർ ഹിന്ദുത്വ ആശയങ്ങൾ പ്രചരിപ്പിക്കുന്നതാണ് രാഹുൽ ഗാന്ധിയെ ചൊടിപ്പിച്ചത്. ഇത്തരത്തിൽ സമൂഹമാദ്ധ്യമങ്ങളിലൂടെ ഹിന്ദു ആശയങ്ങൾ പ്രചരിപ്പിക്കുന്നവർ വർഗ്ഗീയ വിദ്വേഷമാണ് വളർത്തുന്നത്. ഇത്തരക്കാർ ഭീരുക്കളാണ്. പൊതുമദ്ധ്യത്തിൽ വരാനും, സംസാരിക്കാനും ഇവർക്ക് പേടിയാണ്. ആളുകളിൽ നിന്നും പരസ്യമായി പിന്തുണ തേടാൻ ഇവർക്ക് ഭയമാണെന്നും രാഹുൽ ഗാന്ധി ട്വീറ്റ് ചെയ്തു.
ഭീരുക്കൾക്ക് ഒളിച്ചിരുന്ന് ആക്രമിക്കാനാണ് ഇഷ്ടം. ഇവരുടെ വിദ്വേഷ പ്രചാരണങ്ങളെ നിർഭയമായി നേരിടണമെന്നും രാഹുൽ ഗാന്ധി പറഞ്ഞു.
ഹിന്ദു പ്രചാരകരെ അപമാനിച്ച് നേരത്തെയും രാഹുൽ ഗാന്ധി രംഗത്ത് വന്നിരുന്നു. ഹിന്ദുത്വ പ്രചാരകർ മതത്തിന്റെ മറവിൽ മോഷണം നടത്തുന്നവരാണെന്നായിരുന്നു രാഹുലിന്റെ പരാമർശം.
