തായ്പേയ്: തായ്വാന് മേൽ യുദ്ധ ഭീഷണി മുഴക്കി ചൈനീസ് പോർവിമാനങ്ങൾ വീണ്ടും. രണ്ടു മാസത്തിനിടെ രണ്ടാം തവണയാണ് ചൈന വിമാനങ്ങളുമായി അതിർത്തി ലംഘിക്കുന്നത്. ഞായറാഴ്ച 39 വിമാനങ്ങളാണ് ചൈന തായ് വാന് മുകളിലൂടെ പറത്തി ഭീതിപരത്തിയതെന്നാണ് റിപ്പോർട്ട്.
ചൈനയുടെ 24 ജെ-16 വിമാനങ്ങളും 10 ജെ-10 വിമാനങ്ങളും ഒരു ആണവായുധ പ്രഹരശേഷിയുള്ള എച്ച്-6 ബോംബറുമാണ് തായ്വാന്റെ വ്യോമാതിർത്തികടത്തി പറത്തിയത്.
തായ്വാൻ പ്രതിരോധ വകുപ്പ് തുടർച്ചയായി ആഗോളതലത്തിൽ ചൈനയ്ക്കെ തിരെ പരാതി ഉന്നയിക്കുകയാണ്. ശക്തമായി പ്രതിരോധിക്കുന്ന തായ് വാനെതിരെ ചൈന നിരന്തരം പ്രകോപനമാണ് നടത്തുന്നത്. അമേരിക്ക തെക്കൻ ചൈനാ കടലിലും പസഫിക്കിലുമായി നിലയുറപ്പിച്ചിട്ടുള്ളതാണ് തായ് വാന് ധൈര്യം പകരുന്നത്.
