വാഷിംഗ്ടൺ: സ്റ്റാച്യൂ ഓഫ് ലിബർട്ടിയെക്കാൾ ഇരട്ടി വലിപ്പമുള്ള കൂറ്റൻ ഛിന്നഗ്രഹം ഇന്ന് ഭൂമിയ്ക്ക് സമീപത്തുകൂടി പാഞ്ഞുപോകുമെന്ന് നാസ. ഛിന്നഗ്രഹം 2017 എക്സ്.സി62 എന്ന് പേരിട്ടിരിക്കുന്ന ഇതിന് ഏകദേശം 623 അടി വീതിയുണ്ടാകും. ഇന്ന് മണിക്കൂറിൽ 9, 500 മൈൽ വേഗതയിൽ ഭൂമിയ്ക്കരികിലൂടെ കടന്നുപോകുമെന്നാണ് നാസയിലെ ശാസ്ത്രജ്ഞർ അറിയിച്ചത്.
ഭൂമിയിൽ നിന്നും 4.4 ദശലക്ഷം മൈൽ അകന്നാണ് ഛിന്നഗ്രഹം പറക്കുകയെന്നാണ് പ്രതീക്ഷ. എന്നാലത് യഥാർത്ഥത്തിൽ ബഹിരാകാശ പദത്തിൽ വളരെ അടുത്താണ്. ഭൂമിയിൽ നിന്ന് 4.65 ദശലക്ഷം മൈലിനുള്ളിൽ അതിവേഗം ചലിക്കുന്ന ഏതൊരു വസ്തുവും അപകടസാദ്ധ്യതയുള്ളതായാണ് കണക്കാക്കാറുള്ളത്. അവയുടെ പാതകളിലെ ഒരു ചെറിയ മാറ്റം പോലും ഭൂമിയെ ബാധിച്ചേക്കാം.
അതേസമയം ഛിന്നഗ്രഹം 2017 എക്സ്.സി62 ഗതി തെറ്റുമെന്നാണ് പ്രതീക്ഷയെന്ന് ശാസ്ത്രജ്ഞർ അറിയിച്ചു. അതിനാൽ തന്നെ ഭൂമിക്ക് യാതൊരുവിധ ഭീഷണിയും ഈ ഛിന്നഗ്രഹം സൃഷ്ടിക്കില്ലെന്നാണ് ശാസ്ത്രജ്ഞർ വ്യക്തമാക്കുന്നത്. എന്നിരുന്നാലും അപകടകരമായി ഛിന്നഗ്രഹങ്ങളുടെ പട്ടികയിലാണ് ഇതിനെ ഉൾപ്പെടുത്തിയിട്ടുള്ളത്.
Comments