കുവൈറ്റ് സിറ്റി: ഒ.ഐ.ഒ.പി. മൂവ്‌മെന്റ് ഭാരതത്തിന്റെ 73-ാം റിപബ്ലിക് ദിനാഘോഷം സംഘടിപ്പിച്ചു. സംഘടനയുടെ സ്ഥാപക അംഗവും, ഓവർസീസ് പ്രസിഡന്റുമായ ബിബിൻ പി.ചാക്കോ അദ്ധ്യക്ഷത വഹിച്ച ചടങ്ങിൽ യുഎഇ നാഷണൽ കമ്മിറ്റി പ്രസിഡന്റ് നാസർ ബ്രൂണെ സ്വാഗതം ആശംസിച്ചു.
മുൻ ഇന്ത്യൻ നയതന്ത്ര ഉദ്യോഗസ്ഥൻ ടി.പി ശ്രീനിവാസൻ മുഖ്യാതിഥിയായി പങ്കെടുത്ത് റിപ്പബ്ലിക് ദിന സന്ദേശം നൽകി. സംഘടനയുടെ സംസ്ഥാന പ്രസിഡന്റ് എൻ.എം.ഷെരിഫ്, ജനറൽ സെക്രട്ടറി ബിജീഷ് തോമസ്, ട്രഷറർ അശോക് കുമാർ, വൈസ് പ്രസിഡന്റുമാരായ നിസാർ പടിക്കൽ വയൽ, മാത്യു കാവുങ്കൽ, സ്ഥാപക അംഗങ്ങളായ വിനോദ് കെ.ജോസ്, ബിജു എം.ജോസഫ് തുടങ്ങിയവരും ആശംസകൾ അറിയിച്ചു.
ഒ.ഐ.ഒ.പി. മൂവ്‌മെന്റ് ഓവർസീസ് കമ്മിറ്റി ട്രഷറർ സാബു കുര്യൻ (ഒമാൻ) നന്ദി രേഖപ്പെടുത്തി. ലോകത്തിന്റെ വിവിധ രാജ്യങ്ങളിൽ നിന്നുള്ള നൂറിലധികം പ്രവർത്തകരും നേതാക്കളും വെബിനാറിൽ പങ്കെടുത്തു.
Comments