ന്യൂഡൽഹി: കർഷകർക്ക് ആശ്വാസമായി കേന്ദ്ര ബജറ്റ്. താങ്ങുവില നൽകുന്നതിനായി 2.37 ലക്ഷം രൂപ വകയിരുത്തി.ഇത് നേരിട്ട് കർഷകരുടെ അക്കൗണ്ടുകളിലേക്ക് എത്തും.163 ലക്ഷം കർഷകരിൽ നിന്ന് 1208 ലക്ഷം മെട്രിക് ടൺ ഗോതമ്പും നെല്ലും സംഭരിക്കും. .2021 റാബി സീസണിലെ ഗോതമ്പ് സംഭരണവും 2021-22 ഖാരിഫ് സീസണിലെ നെല്ല് സംഭരിക്കുന്നതിലും പ്രധാന്യം നൽകും.
പ്രാദേശിക ഉത്പന്നങ്ങളുടെ വിതരണ ശൃംഖല സുഗമമാക്കാൻ വൺ സ്റ്റേഷൻ വൺ പ്രൊഡക്ട് എന്ന ആശയവും നടപ്പിലാക്കും. കാർഷിക ഗതാഗത മാർഗങ്ങൾ എളുപ്പമാക്കാൻ റെയിൽവേയിലും മാറ്റങ്ങൾ കൊണ്ടുവരുമെന്ന് ബജറ്റിൽ പ്രഖ്യാപനം.
രാജ്യത്ത് ജൈവരീതിയിലുള്ള കൃഷിക്ക് കൂടുതൽ പ്രധാന്യം നൽകും.ഗംഗാ നദിയുടെ 5 കിലോമീറ്റർ വീതിയുള്ള ഇടനാഴികളിൽ കർഷകരുടെ ഭൂമി കേന്ദ്രീകരിച്ച് രാസരഹിത പ്രകൃതിദത്ത കൃഷി രാജ്യത്തുടനീളം പ്രോത്സാഹിപ്പിക്കും.
കാർഷിക മേഖലയിൽ സ്റ്റാർട്ടപ്പുകൾക്ക് പ്രോത്സാഹനം നൽകുമെന്ന് കേന്ദ്ര ധനമന്ത്രി നിർമ്മല സീതാരാമൻ പ്രഖ്യാപിച്ചു. ഗ്രാമീണ മേഖലയിലേയും കാർഷിക മേഖലയിലേയും സ്റ്റാർട്ടപ്പുകളെ സഹായിക്കുന്നതിന് നബാർഡ് വഴി സാമ്പത്തിക സഹായം നൽകുമെന്ന് ബജറ്റിൽ പ്രഖ്യാപനം. സ്റ്റാർട്ടപ്പുകൾ കർഷക സംഘടനകൾക്ക് സഹായം നൽകുന്നുണ്ടെന്നും കർഷകർക്ക് സാങ്കതേിക വിദ്യകളിൽ സഹായം നൽകുന്നുണ്ടെന്ന് ഉറപ്പാക്കുമെന്നും മന്ത്രി കൂട്ടിച്ചേർത്തു.
