ആന്റിഗ: അണ്ടർ 19 ലോകകപ്പ് ക്രിക്കറ്റിൽ ഇന്ത്യ ഇന്ന് സെമി പോരാട്ടത്തിനിറങ്ങും. ഇന്ത്യൻ സമയം വൈകീട്ട് 6:30 മുതലാണ് മത്സരം. ഓസ്ട്രേലിയ ആണ് എതിരാളികൾ
നാല് വട്ടം ജേതാക്കളായ ഇന്ത്യയും മൂന്ന് തവണ ജേതാക്കളായ ഓസ്ട്രേലിയയും തമ്മിലുള്ള ഏറ്റുമുട്ടൽ ഏറെ ആവേശത്തോടെയാണ് ക്രിക്കറ്റ് പ്രേമികൾ കാത്തിരിക്കുന്നത്.
ആറാം തവണയാണ് ഇന്ത്യയും ഓസ്ട്രേലിയയും മുഖാമുഖം പോരാട്ടത്തിനിറങ്ങുന്നത്. ഇതിൽ നാല് തവണയും വിജയം ഇന്ത്യയ്ക്കൊപ്പമായിരുന്നു.കൊറോണ മൂലം പുറത്തിരുന്ന എല്ലാ താരങ്ങളും തിരികെയത്തിയത് ഇന്ത്യയ്ക്ക് വിജയപ്രതീക്ഷ കൂട്ടുന്നുണ്ട്.
തുടർച്ചയായ നാലാം തവണയാണ് അണ്ടർ 19 ലോകകപ്പിൽ ഇന്ത്യ സെമി ഫൈനലിലെത്തുന്നത്. ലോകകപ്പിൽ ഒരു മത്സരത്തിൽ ഏറ്റവും കൂടുതൽ റൺസ് നേടുന്ന താരമെന്ന ശിഖർ ധവാന്റെ റെക്കോഡ് തകർത്തരാജ് ബാവയും ഹർനൂർ സിങും ആങ്ക്രിഷ് രഘുവൻഷി എന്നിവരാണ് ഇന്ത്യയുടെ ബാറ്റിങ് കരുത്ത്.
