ലക്നൗ: വാക്സിൻ സംബന്ധിച്ച് കിംവദന്തികൾ പ്രചരിപ്പിക്കുന്നവർക്ക് ശക്തമായ തിരിച്ചടി കൊടുക്കണമെന്ന് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. വാക്സിനേഷനെതിരെ അഭ്യൂഹങ്ങൾ പരത്തുന്നവർക്ക് വോട്ടിങ്ങിലൂടെ ശക്തമായ മറുപടി നൽകണമെന്ന് അദ്ദേഹം പറഞ്ഞു.
” ഇവിടെയുള്ള നൂറ് ശതമാനം ആളുകളും പൂർണമായും വാക്സിൻ സ്വീകരിച്ചിട്ടുണ്ടെങ്കിൽ വാക്സിനുകൾക്കെതിരെ കിംവദന്തികൾ പ്രചരിപ്പിക്കുന്നവർക്ക് ശക്തമായ മറുപടി കൊടുക്കാൻ സമയമായെന്ന് അദ്ദേഹം കൂട്ടിച്ചേർത്തു. ബിജ്നോറിൽ ജൻ പൗപാൽ റാലിയെ അഭിസംബോധന ചെയ്ത് സംസാരിക്കുകയായിരുന്നു അദ്ദേഹം.
ബിഎസ്പിയും എസ്പിയും ഇരുട്ടിൽ കഴിഞ്ഞ് ജനങ്ങളെ കൊള്ളയടിക്കുമ്പോൾ ബിജെപി സർക്കാർ ഉത്തർപ്രദേശിലെ ജനങ്ങൾക്ക് വൈദ്യുതി ഉറപ്പാക്കാൻ ശ്രമിക്കുകയായിരുന്നുവെന്ന് അദ്ദേഹം പറഞ്ഞു. സംസ്ഥാനത്തെ ക്രമസമാധാന പരിപാലനത്തെക്കുറിച്ചും അദ്ദേഹം ജനങ്ങളെ ഓർമ്മപ്പെടുത്തി.
403 അംഗ നിയമസഭയിലേക്കുള്ള തെരഞ്ഞെടുപ്പ് ഫെബ്രുവരി പത്ത് മുതൽ ഏഴ് ഘട്ടങ്ങളിലായാണ് നടക്കുന്നത്.
