ബേസിൽ ജോസഫ് സംവിധാനം നിർവഹിച്ച് ടെവിനോ നായകനായ ചിത്രമാണ് മിന്നൽ മുരളി മലയാളത്തിലെ ആദ്യ സൂപ്പർ ഹീറോ ചിത്രമെന്നതിലുപരി അന്താരാഷ്ട്ര തലത്തിൽ വരെ ചർച്ചയായിരുന്നു മിന്നൽ മുരളി. സിനിമ തീർത്ത ട്രെൻഡ് ഇന്നും നിലച്ചിട്ടില്ല.
സിനിമയിൽ ജെയ്സണും ജോസ്മോനും എത്ര ശ്രമിച്ചിട്ടും നടക്കാതെ പോയൊരു കാര്യമായിരുന്നു മിന്നൽ മുരളിയുടെ പറക്കൽ. ആകാശത്തിലൂടെ പറക്കുന്നത് ഒഴിച്ച് ബാക്കി എല്ലാ കഴിവുകളും മിന്നൽ മുരളിയ്ക്ക് ഉണ്ടെന്നാണ് സിനിമയിൽ പറയുന്നത്.
എന്നാൽ കോട്ടയംകാരനായ രാഹുൽ മിന്നൽ മുരളിയെ പറപ്പിക്കുക തന്നെ ചെയ്തു. ഡ്രോൺ ഉപയോഗിച്ചാണ് രാഹുൽ മിന്നൽ മുരളിയെ പറപ്പിച്ചത് ഇതിന്റെ വീഡിയോ രാഹുൽ തന്റെ യുട്യൂബ് ചാനലിലൂടെ പങ്കുവെച്ചിട്ടുണ്ട്. ചാനലിലൂടെ പങ്ക് വെച്ചിട്ടുണ്ട്. മിന്നൽ മുരളിയുടെ സംവിധായകനായ ബോസിൽ ജോസഫ് അടക്കം രാഹുലിന്റെ പരിശ്രമത്തെ അഭിനന്ദിച്ച് രംഗത്തെത്തിയിട്ടുണ്ട്.
