രവി തേജ നായകനായി എത്തുന്ന തെലുങ്ക് ചിത്രത്തിൽ ഉണ്ണി മുകുന്ദനും. ഖിലാഡി എന്ന ചിത്രത്തിൽ ഉണ്ണി മുകുന്ദൻ അവതരിപ്പിക്കുന്ന കഥാപാത്രത്തിന്റെ ക്യാരക്ടർ പോസ്റ്റർ പുറത്തുവിട്ടു. രാമകൃഷ്ണ എന്ന കഥാപാത്രത്തെയാണ് താരം അവതരിപ്പിക്കുന്നത്.
ആക്ഷന് പ്രാധാന്യമുള്ള ചിത്രമാണ് ഖിലാഡി. രമേശ് വർമ്മയാണ് ചിത്രം സംവിധാനം ചെയ്യുന്നത്. ദേവി ശ്രീ പ്രസാദ് ആണ് സംഗീതം. ഉണ്ണി മുകുന്ദന് പുറമെ, അർജുൻ സർജ, മീനാക്ഷി ചൗധരി, ഡിംപിൾ ഹയാതി, വെന്നല കിഷോർ, അനസൂയ ഭരദ്വാജ് തുടങ്ങിയവരാണ് ചിത്രത്തിലെ മറ്റ് പ്രധാന താരങ്ങൾ.
ഫെബ്രുവരി 11ന് ചിത്രം തീയേറ്ററുകളിൽ പ്രദർശനത്തിനെത്തും. സുജിത് വാസുദേവാണ് ചിത്രത്തിന്റെ ഛായാഗ്രാഹണം. ഹിന്ദിയിലും ചിത്രം റിലീസ് ചെയ്യുന്നുണ്ട്. ഉണ്ണി മുകുന്ദന്റെ മൂന്നാമത്തെ തെലുങ്ക് ചിത്രമാണിത്. നേരത്തെ ഭാഗമതി, ജനതാ ഗാരേജ് എന്നീ സിനിമകളിൽ ഉണ്ണി മുകുന്ദൻ അഭിനയിച്ചിരുന്നു.
Comments